- 歌词
- 专辑列表
- 歌手介绍
朱头皮
-
外好汝甘知
作词:李坤城 作曲:伍佰
咱若是心头结归裘 著来饮酒湿一咧湿一咧 外好汝甘知(好啦)
有人饮酒假绅士 有人饮酒脱霓舞 有人饮酒爱唱歌 我若饮酒话著一大摊 有人饮酒面絿絿 有人饮酒撚嘴须 有人饮酒搥心肝 我若饮酒尚爱招酒伴(哈麦) 人生亲像一盘棋 成功失败思双枝(甘拜 杀鹿 气予死 干杯)
出入江湖讲身不由己 风度永远爱保持 酒量若有尚得意 但是酒品统要紧 若欲臭弹歕鸡规 请汝赶紧趁酒醉 饮落去 饮落去 毋倘漏气 醉落去 醉落去 逐家欢喜
咱若是心情咧忧愁 著来饮予马西马西 毋通胡白想(好咧) 来来来 我的朋友好兄弟(尤伊 油伊 游揖) 烧酒著给饮落去 毋倘饲金鱼(好啦 好啦) 请逐家烧酒继续斟(缩咧) 给伊斟予伊(表面张力)外好汝甘知(嗦泪 缩泪)
哈麦咱若是心头结归裘 著来饮酒湿一咧湿一咧 外好汝甘知(知啦)
彼落阿土阿草仔出世作酒虫 无代无志嘛会找孔缝 无事干也会找花样 阿仁阿义仔干哪一杯落腹 红关公著走出来弄 杯底毋倘饲蟾蜍 杯底毋倘种蕃薯 杯底毋倘饲红蟳 杯底毋倘娶细姨
人讲酒醉嘛心头定 毋倘借口欲贾人车拼 饮酒尚惊敖牵拖 晕晕相挣讲毋知疼 人生永远是向前行 饮啦 饮啦 免着惊 面子暂时免论输赢 剖复交陪朋友成(哈麦)
讲著饮酒 我拢无步 讲著食燻 我火着着 讲著槟榔 我著吐血 讲著赌筊 我著会气 若阁欲臭弹歕鸡规 请汝赶紧趁酒醉 饮落去 饮落去 毋倘漏气 醉落去 醉落去 逐家欢喜
咱若是心头结归裘 著来饮酒湿一咧湿一咧 外好汝甘知(知啦) 我咧外爽汝甘知(知啦)我咧外赞汝甘知(知啦) 我咧外好汝甘知(搭搭答搭瘩)
------------------------------------------
作词:李坤城 作曲:伍佰
《偌好你敢知》Guā Hó Lí Kám Tsai 朱约信 Tsu Iok-sìn (猪头皮Ti-thâu-phuê)
咱若是心头结规球 lán nā-sī sim-thâu kiat-kui-kiû 就来啉酒 tiō lâi lim-tsiú 溼一下溼一下 sip--tsi̍t-ē sip--tsi̍t-ē 偌好你敢知 guā hó lí kám tsai
有人啉酒啊假绅士 ū-lâng lim-tsiú--ah ké sin-sū 有人啉酒啊脱衣舞 ū-lâng lim-tsiú--ah thuat-i-bú 有人啉酒啊爱唱歌 ū-lâng lim-tsiú--ah ài tshiùnn-kua 我若啉酒话就一大摊 guá nā lim-tsiú uē tiō tsi̍t-tuā-thuann
有人啉酒会面虬虬 ū-lâng lim-tsiú ê bīn khiû-khiû 有人啉酒啊撚喙须 ū-lâng lim-tsiú--ah lián tshuì-tshiu 有人啉酒啊捶心肝 ū-lâng lim-tsiú--ah tuî-sim-kuann 我若啉酒上爱招酒伴 guá nā lim-tsiú siāng ài tsio tsiú-phuānn
人生亲像一盘棋 jîn-sing tshin-tshiūnn tsi̍t-puânn kî 成功失败思双枝 sîng-kong sit-pāi su-siang-ki
出入江湖啊 tshut-ji̍p kang-ôo--ah 身不由己啊 sin put-iû kí--ah 风度永远都爱保持 hong-tōo íng-uán to ài pó-tshî 酒量若有啊上得意 tsiú-liōng nā ū--ah siōng tik-ì 但是酒品啊緟要紧 tān-sī tsiú-phín--ah thōng iàu-kín 若欲臭弹来歕鸡胿啊 nā berh tshàu-tuānn lâi pûn-ke-kui--ah 请你赶紧来趁酒醉 tshiánn lír kuánn-kín lâi thàn tsiú-tsuì 啉落去 lim--lueh 啉落去 lim--lueh 毋通落气 m̄-thang làu-khuì 醉落去 tsuì--lueh 醉落去 tsuì--lueh 逐家欢喜 ta̍k-ke huann-hí
咱若是心情咧忧愁 lán nā-sī sim-tsîng teh iu-tshiû 就来啉予马西马西 tiō lâi lim hōo má-se-má-se 毋通乌白想 m̄-thang oo-pe̍h siūnn 来来来 lâi lâi lâi 我的朋友好兄弟 guá ê pîng-iú hó hiann-tī 烧酒就共啉落去 sio-tsiú tiō kā lim--lo̍h-khì 更多更详尽歌词 在 ※ Mojim.com 魔镜歌词网 毋通饲金鱼 m̄-thang tshī kim-hî 请逐家烧酒继续斟 tshiánn ta̍k-ke sio-tsiú kè-sio̍k thîn 共伊斟予伊表面张力 kā i thîn hōo i biǎobiànzhānglì 偌好你敢知喔 guā hó lí kám tsai--ooh
咱若是心头结规球 lán nā-sī sim-thâu kiat-kui-kiû 就来啉酒 tiō lâi lim-tsiú 溼一下溼一下 sip--tsi̍t-ē sip--tsi̍t-ē 偌好你敢知 guā hó lí kám tsai
彼号阿涂阿草仔 hit-lō a-thôo a-tsháu--á 出世做酒虫 tshut-sì tsuè tsiú-thâng 无代无志嘛会揣空缝 bô-tāi-bô-tsì mā ē tshuē khang-phāng 阿仁阿义仔 a-jîn a-gī--á 干焦一杯落腹 kan-na tsi̍t-pue lo̍h-pak 红关公就走出来弄 âng-kuan-kong tō tsáu tshut-lâi lāng
杯底毋通饲螀蜍 pue-té m̄-thang tshī tsiunn-tsî 杯底毋通种番薯 pue-té m̄-thang tsíng han-tsî 杯底毋通饲红蠘 pue-té m̄-thang tshī âng-tshi̍h 杯底毋通娶细姨 pue-té m̄-thang tshuā sè-î
人讲酒醉嘛 lâng kóng tsiú-tsuì--mah 心头定 sim-thâu tiānn 啊毋通借口 ah m̄-thang tsioh-kháu 欲佮人捙拼 beh kah lâng tshia-piànn 啉酒上惊 lim-tsiú siōng kiann 咧𠢕牵拖 leh gâu khan-thua 啊愣愣相舂 ah gông-gông sio-tsing 讲毋知疼 kóng m̄-tsai thiànn 啊人生永远 ah jîn-sing íng-uán 是向前行 sī hiòng-tsîng kiânn 啊啉啦啉啦 ah lim--lah lim--lah 免着惊 bián tio̍h-kiann 啊面子暂时啊 ah bīn-tsú tsiām-sî--ah 免论输赢 bián lūn su-iânn 破腹交陪 phuà-pak kau-puê 朋友晟 pîng-iú tshiânn
若讲著啉酒 ā kóng-tio̍h lim-tsiú 我拢无步 guá lóng bô-pōo 若讲著食薰 ā kóng-tio̍h tsia̍h-hun 我火就著 guá hué tiō to̍h 若讲著槟榔 ā kóng-tio̍h pin-nn̂g 我就吐血 guá tō thòo-hueh 若讲著跋筊 ā kóng-tio̍h pua̍h-kiáu 我就会气(去) guá tō ē khì
若阁欲 nā koh beh 臭弹歕鸡规 tshàu-tuānn pûn-kue-kui 请你赶紧 tshiánn lí kuánn-kín 来趁酒醉 lâi thàn tsiú-tsuì 啊啉落去 ah lim--lueh 啉落去 lim--lueh 毋通落气 m̄-thang làu-khuì 啊醉落去 ah tsuì--lueh 醉落去 tsuì--lueh 逐家欢喜 ta̍k-ke huann-hí
咱若是心头结规球 lán nā-sī sim-thâu kiat-kui-kiû 就来啉酒 tiō lâi lim-tsiú 溼一下溼一下 sip--tsi̍t-ē sip--tsi̍t-ē 偌好你敢知 guā hó lí kám tsai
我咧偌爽你敢知 guá leh guā sóng lí kám tsai 我咧偌赞你敢知 guá leh guā tsán lí kám tsai 我咧偌好你敢知 guá leh guā hó lí kám tsai
- 感谢 W.B. Chen 修正歌词
- 友站连结: W.B. Chen
|