- 歌词
- 专辑列表
- 歌手介绍
王识贤
-
头壳疼
“太平天国”预告片主题曲 作词:陈升 作曲:陈升 编曲:恨情歌
我若想到这些心头就萎 气若在歹罔喝白开水 你来看我全身躯的乌青 拢是为著社会的正义 我在鸡婆看到一个阿桑昏倒在地 好心给她扶起来 她说我把她撞倒 路边的人渐渐围过来不给我辩解 拳头母就劈劈啪啪一直撞落来
白贼的社会得要注意 爱看闹热的(这么多)得要小心 哎唷 连喘气拢得要看天气 日头赤炎炎 随人顾性命 才会吃百ㄝ
七仔带着来去KTV 我最爱唱悲伤留给自己 天色好坏拢由在伊 晚上靠我七仔来改气 路边的兄哥你青虾米 这款的社会给我真头疼 善良的百姓出门不用带傢俬 七八条通给喝甲死死昏昏去
人阮每次都有安慰自己没惊没惊 坏康的会拢跟咱走 也不是懒惰 税也有交 到底我是要按怎 人阮每次都有安慰自己免惊免惊 拚死好坏有输赢 也不是邋遢 走路有风 到底叫我要按怎 头壳疼
------------------------------------------
6715/《头壳疼》Thâu-khak Thiànn 王识贤Ông Sik-hiân
我若想着遮的 guá nā siūnn-tio̍h tsia--ê 心头就萎 sim-thâu tiō ui 气若咧䆀 khuì nā leh bái 罔啉白滚水 bóng lim pe̍h-kún-tsuí 你来看我规身躯的乌青 lí lâi khuànn guá kui-sin-khu ê oo-tshinn 拢是为著社会的正义 lóng-sī uī-tio̍h siā-huē ê tsìng-gī
我咧家婆 guá leh ke-pô 看一个阿桑昏倒在地 khuànn tsi̍t-ê a-sáng hūn-tó tsāi-tē 好心共伊扶起来 hó-sim kā-i hû--khí-lâi 伊讲我共挵倒 i kóng guá kā lòng-tó 路边的人 lōo-pinn ê lâng 直直倚过来 ti̍t-ti̍t uá--kuè--lâi 毋予我辩解 m̄ hōo guá piān-kái 拳头拇就pi-pí-pa̍h-pa̍h kûn-thâu-bú tiō pi-pí-pa̍h-pa̍h 一直舂过来 it-ti̍t tsing--kuè-lâi
白贼的社会著爱注意 pe̍h-tsha̍t ê siā-huē tio̍h-ài tsù-ì 爱看闹热(的遮济)著爱细腻 ài khuànn lāu-jia̍t(--ê tsiah tsuē) tio̍h-ài suè-jī 哎唷!连喘气 aih-ioh! liân tshuán-khuì 拢著爱看天气 lóng tio̍h-ài khuànn thinn-khì 日头赤炎炎(焱焱) ji̍t-thâu tshiah iām-iām(iānn-iānn) 随人顾性命 suî lâng kòo sìnn-miā 才会食百二 更多更详尽歌词 在 ※ Mojim.com 魔镜歌词网 tsiah ē tsia̍h pah-jī
姼仔𤆬咧来去KTV tshit-á tshuā-leh lâi-khì KTV 我上爱唱悲伤留给家己 guá siōng ài tshiùnn Beishāng Liú Gê Zìjǐ 天色好䆀拢由在伊 thinn-sik hó-bái lóng iû-tsāi i 暗时仔靠我姼仔来改气 àm-sî-á khò guá tshit-á lâi kái-khuì
路边的兄哥你瞠啥物 lōo-pinn ê hiann-ko lí tshinn siánn-mih 这款的社会 tsit khuán ê siā-huē 予阮真头疼 hōo gún tsin thâu-thiànn 善良的百姓 siān-liông ê peh-sìnn 出门毋免扎家私 tshut-mn̂g m̄-bián tsah ke-si 七八条通 tshit- pueh-tiâu-thong 共啉甲死死昏昏去 kā lim kah sí-sí hun-hun khì ---
人阮每摆 lâng gún muí-pái 拢有安慰家己 lóng ū an-uì ka-tī 无惊无惊 bô-kiann bô-kiann 歹空的袂拢缀咱行 pháinn-khang--ê buē lóng tuè lán kiânn 也毋是贫惰 iā m̄-sī pân-tuānn 税嘛有交 suè mā ū kau 到底我是欲按怎 tàu-té guá sī beh án-tsuánn
人阮每摆 lâng gún muí-pái 拢有安慰家己 lóng ū an-uì ka-kī 免惊免惊 bián-kiann bián-kiann 拚死好䆀有输赢 piànn-sí hó-bái ū su-iânn 也毋是𡳞蔓 iā m̄-sī lān-muā 行路有风 kiânn-lōo ū hong 到底叫我欲按怎 tàu-té kiò guá beh án-tsuánn 头壳疼 thâu-khak thiànn ---
人阮每摆 lâng gún muí-pái 拢有安慰家己 lóng ū an-uì ka-tī 无惊无惊 bô-kiann bô-kiann 歹空的袂拢缀咱行 pháinn-khang--ê buē lóng tuè lán kiânn 也毋是贫惰 iā m̄-sī pân-tuānn 税嘛有交 suè mā ū kau 到底我是欲按怎 tàu-té guá sī beh án-tsuánn (头壳疼),(欲按怎)(真头疼) (thâu-khak thiànn) (beh án-tsuánn) (tsin thâu-thiànn) (我真正毋知欲按怎) (guá tsin-tsiànn m̄-tsai beh án-tsuánn) (真正真正真正毋知欲按怎) (tsin-tsiànn tsin-tsiànn tsin-tsiànn m̄-tsai beh án-tsuánn) (我真正头壳疼) (guá tsin-tsiànn thâu-khak thiànn)
- 感谢 W.B. Chen 修正歌词
- 友站连结: W.B. Chen
|