- 歌词
- 专辑列表
- 歌手介绍
郑进一
-
西施
作词:郑进一/陈维祥 作曲:郑进一 编曲:郑进一
我有一个七仔叫作扁G 伊壳头缺嘴又搁蒜头鼻 长长的头毛可惜算算的无几支 有时存风若吹来亲像吹着蜘蛛丝 伊爸爸块开当店钱庄放重利 搁A侷卖毒走私做乌龟 伊妈妈生美可惜脚骨大小支 听人讲十三岁就乎伊阿叔块包饲 情人眼中出西施 丑女卡抹甲人相争 横竖我嘛不是什么东西 大家拢无相批 情人眼中出西施 美的颠倒卡无彼青 横竖我嘛已经虚 虚 虚 青对虚 看谁人卡吃亏 我有一只马仔叫WC内脚尾拢总一百四十二 肥肥的体格为何胸坎若楼梯 若躺块时存会冻停著二只喷射机 伊哥哥细汉就学人七桃做兄弟 出道就乎人邰一下变白痴 伊小弟块做律师替人打官司 听人讲这存治块内篱仔乎咱政府饲 情人眼中出西施 丑女卡抹甲人相争 横竖我嘛不是什么东西 大家拢无相批 情人眼中出西施 美的颠倒卡无彼青 横竖我嘛已经虚 虚 虚 青对虚 看谁人卡吃亏 我有一个爱人叫作ET伊丑甲出世父母著不敢饲 红红的嘴唇可惜内面搁大小齿 若雄雄笑的时存你会抓准看着鬼 伊姐姐块做护士住治疯病院 伊姊夫块做医生医自己 伊小妹真正古锥可惜烧支支 听人讲甘那拿囝仔会冻开一间孤儿院 情人眼中出西施 丑女卡抹甲人相争 横竖我嘛不是什么东西 大家拢无相批 情人眼中出西施 美的颠倒卡无彼青 横竖我嘛已经虚 虚 虚 青对虚 看谁人卡吃亏
------------------------------------------
18621/《西施》Se-si 郑进一Tēnn Tsìn-it
我有一个姼仔 guá ū tsi̍t-ê tshit-á 叫做BG kiò-tsuè BG 伊扩头缺喙 i khok-thâu khih-tshuì 又阁蒜头鼻 iū-koh suàn-thâu-phīnn 长长的头毛 tn̂g-tn̂g ê thâu-mn̂g 可惜算算 khó-sioh sǹg-sǹg 无几枝䞐 bô kuí ki tshun 有时阵风若吹来 ū-sî-tsūn hong nā tshue--lâi 亲像吹着蜘蛛丝 tshin-tshiūnn tshue tio̍h ti-tu-si
怹爸爸咧开当店钱庄 in pá-pah teh khui tǹg-tiàm tsînn-tsng 放重利 pàng tāng-lī 阁挨筊卖毒走私 koh e-kiáu bē-to̍k tsáu-su 做乌龟 tsò oo-kui 怹妈妈生媠 in má-mah senn suí 可惜跤骨大细支 khó-sioh kha-kut tuā-sè ki 听人讲 thiann lâng kóng 十三岁 tsa̍p-sann huè 就予怹阿叔 tiō hōo in a-tsik 咧包饲 teh pau-tshī
情人眼中出西施 tsîng-jîn gán-tiong tshut Se-si 䆀女较袂佮人相争 bái-lú khah bē kah lâng sio-tsinn 横直我 huînn-ti̍t guá 嘛毋是啥物东西 mā m̄-sī siánn-mih tōngxī 逐家拢无相偏 ta̍k-ke lóng bô sio-phinn
情人眼中出西施 tsîng-jîn gán-tiong tshut Se-si 媠的颠倒较无遐青 suí--ê tian-tò khah bô hiah tshinn 横直我嘛已经虚虚虚 huînn-ti̍t guá mā í-king hi̋-hi-hi 青缀虚 tshinn tuè hi 看啥人较食亏 khuànn siánn-lâng khah tsia̍h-khui
我有一只马仔 guá ū tsi̍t-tsiah bé-á 叫做WC kiò-tsuè WC 蹑跤尾 nih kha-bué 拢总一百四十二 更多更详尽歌词 在 ※ Mojim.com 魔镜歌词网 lóng-tsóng tsi̍t-pah sì-tsa̍p-jī 肥肥的体格 puî-puî ê thé-keh 哪会胸坎若楼梯 ná-ē hing-khám ná lâu-thui 若倒咧时阵 nā tó--leh sî-tsūn 会当停著两只喷射机 ē-tàng thîng tio̍h nn̄g-tsiah phùn-siā-ki
怹哥哥细汉 in kó-koh sè-hàn 学人𨑨迌做兄弟 o̍h lâng tshit-thô tsuè hiann-tī 出道就予人 tshut-tō tō hōo-lâng 刣一下变白痴 thâi tsi̍t-ē piàn pe̍h-tshi 怹小弟咧做律师 in sió-tī teh tsò lu̍t-su 替人拍官司 thè lâng phah-kuann-si 听人讲这阵 thiann lâng kóng tsit-tsūn 伫咧内篱仔 tī-leh lāi-lî-á 予咱政府饲 hōo lán tsìng-hú tshī
情人眼中出西施 tsîng-jîn gán-tiong tshut Se-si 䆀女较袂佮人相争 bái-lú khah bē kah lâng sio-tsinn 横直我 huînn-ti̍t guá 嘛毋是啥物东西 mā m̄-sī siánn-mih tōngxī 逐家拢无相偏 ta̍k-ke lóng bô sio-phinn
情人眼中出西施 tsîng-jîn gán-tiong tshut Se-si 媠的颠倒较无遐青 suí--ê tian-tò khah bô hiah tshinn 横直我 huînn-ti̍t guá 嘛已经虚虚虚 mā í-king hi̋-hi-hi 青缀虚 tshinn tuè hi 看啥人较食亏 khuànn siánn-lâng khah tsia̍h-khui
我有一个爱人 guá ū tsi̍t-ê ài-jîn 叫做ET kiò-tsuè ET 伊䆀甲 i bái kah 出世爸母就毋敢饲 tshut-sì pē-bú tō m̄-kánn tshī 红红的喙唇 âng-âng ê tshuì-tûn 可惜内面大细齿 khó-sioh lāi-bīn tuā-sè khí 若雄雄笑的时阵 nā hiông-hiông tshiò ê sî-tsūn 你会掠准看着鬼 lí ē lia̍h-tsún khuànn-tio̍h kuí
怹姊姊咧做护士 in tsé-tseh teh tsò hōo-sū 蹛伫痟病院 tuà tī siáu-pēnn-īnn 怹姊夫咧做医生 in tsí-hu teh tsò i-sing 医家己 i ka-kī 怹小妹真正古锥 in sió-bē tsin-tsiànn kóo-tsui 可惜娆记记 khó-sioh hiâu kì-kì 听人讲干焦提囡仔 thiann lâng kóng kan-na the̍h-gín-á 会当开一间孤儿院 ē-tàng khui tsi̍t-king koo-jî-īnn
情人眼中出西施 tsîng-jîn gán-tiong tshut Se-si 䆀女较袂佮人相争 bái-lú khah buē kah lâng sio-tsinn 横直我 huînn-ti̍t guá 嘛毋是啥物东西 mā m̄-sī siánn-mih tōngxī 逐家拢无相偏 ta̍k-ke lóng bô sio-phinn
情人眼中出西施 tsîng-jîn gán-tiong tshut Se-si 媠的颠倒较无遐青 suí--ê tian-tò khah bô hiah tshinn 横直我嘛已经虚虚虚 huînn-ti̍t guá mā í-king hi̋-hi-hi 青缀虚 tshinn tuè hi 看啥人较食亏 khuànn siánn-lâng khah tsia̍h-khui
- 感谢 W.B. Chen 修正歌词
- 友站连结: W.B. Chen
|