- 歌词
- 专辑列表
- 歌手介绍
郑进一
-
咱的故乡
作词:郑进一 作曲:郑进一 编曲:江孝文
阮的故乡 彼有一条溪 溪水清清鱼大尾 溪边还有白鹭鸶块飞 囝仔归阵治块死囝仔推 有的块捞溪虾
阮的故乡 只有一条街 二三间店头 小生意加减嘛做 头家每一个拢真好礼 可惜阿妈无钱乎我买 堵著头家讲:囝仔甲我稍顾一下 我著那吃 落袋仔加减嘛袋 我每日治块想 啊 我每日治块想 现在咱的故乡 是按怎会变这样 溪水顶高那会浮乌油 要教鱼仔囝仔按怎泅 天公伯仔你若有目瞅 你嘛去看谁人啊 那会彼夭寿
阮兜的头前有一丛树 树枝捡乎阮老母起火来省瓦斯 树顶还搁有白头壳的鸟仔巢 阮阿公仔树脚休沁纳凉 哈茶捻嘴须 阮兜的后面有一间老古厝 阮祖公仔甲著尹彼的亲友 对嘉庆君就住甲久 阿爸讲拜祖先顾祖厝 保庇全家添福寿 我是愈听目瞅愈茫雾 哈去兼赌咕 日子过了彼呢久 日子过了彼呢久 我的故乡 是按怎会变这样 叔公仔讲著做田面就忧 挫草的剩伊彼双老伙仔手 婶婆遇着子孙仔就一直揪 讲有闲嘛去甲恁祖公仔 烧一枝香
-------------------------------------------------------
《咱的故乡》Lán ê Kòo-hiong 郑进一 Tēnn Tsìn-it
阮的故乡 gún ê kòo-hiong 遐有一条溪 hia ū tsi̍t-tiâu khe 溪水清清鱼大尾 khe-tsuí tshing-tshing, hî tuā bué 溪边犹有白翎鸶咧飞 khe-pinn iáu-ū pe̍h-līng-si teh pue 囡仔规阵伫咧死囡仔䖙 gín-á kui-tīn tī-leh sí-gín-á-the 有的咧捞溪虾 ū-ê leh hôo khe-hê
阮的故乡 gún ê kòo-hiong 只有一条街 tsí-ū tsi̍t-tiâu ke 两三间店头 nn̄g-sann king tiàm-thâu 小生理加减仔做 sió-sing-lí ke-kiám-á tsuè 头家每一个拢真好礼 thâu-ke muí tsi̍t-ê lóng tsin hó-lé 可惜阿妈无钱予我买 khó-sioh a-má bô tsînn hōo guá bé 拄著头家讲 tú-tio̍h thâu-ke kóng 囡仔 共我小顾一下 gín-á, kā guá sió kòo--tsi̍t-ē 我就那食 guá tiō ná tsia̍h 橐袋仔加减仔贮 lak-tē-á ke-kiám-á té
我每日伫咧想 guá muí-ji̍t tī-teh siūnn 啊我每日伫咧想 ah guá muí-ji̍t tī-teh siūnn 现在咱的故乡 hiān-tsāi lán ê kòo-hiong 是按怎会变这样 sī-án-tsuánn ē piàn tsit-iūnn
溪水顶悬 khe-tsuí tíng-kuân 哪会浮乌油 ná ē phû oo-iû 更多更详尽歌词 在 ※ Mojim.com 魔镜歌词网 欲教鱼仔囡仔按怎泅 beh kà hî-á gín-á án-nuá siû 天公伯仔 thinn-kong-peh--á 你若有目睭 lí nā ū ba̍k-tsiu 你嘛去看啥人 lí mā khì khuànn siánn-lâng 哪会遐夭寿 ná ē hiah iáu-siū
(口白)-----↓ 时代若是进步 sî-tāi nā-sī tsìn-pōo 逐项都会变 ta̍k-hāng to ē piàn 无论是人啦厝啦社会拢仝款 bô-lūn sī lâng--lah tshù--lah siā-huē lóng kāng-khuán 啊我有听人咧讲 ah guá ū thiann lâng teh kóng 阮故乡这马 gún kòo-hiong tsit-má 嘛佮以前无仝款矣 mā kah í-tsîng bô kāng-khuán--ah 想着以前的种种 siūnn-tio̍h í-tsîng ê tsióng-tsióng 心肝头直直闷起来 sim-kuann-thâu ti̍t-ti̍t būn--khí-lâi 毋知当时 m̄-tsai tang-sî 才会当阁转去故乡看觅 tsiah ē-tàng koh tńg-khì kòo-hiong khuànn-māi (口白)-----↑
阮兜的头前有一欉树 gún-tau ê thâu-tsîng ū tsi̍t-tsâng tshiū 树枝抾予阮老母 tshiū-ki khioh hōo gún lāu-bú 起火来省瓦斯 khí-hué lâi síng gah-suh 树顶犹阁有白头鹄的鸟仔岫 tshiū-tíng iáu-koh ū pe̍h-thâu-khok ê tsiáu-á-siū 阮阿公仔树跤秋凊纳凉 gún a-kong-á tshiū-kha tshio-tshìn nà-liâng 哈茶撚喙须 ha-tê lián-tshuì-tshiu
阮兜的后面 gún-tau ê āu-bīn 有一间老古厝 ū tsi̍t-king lāu-kóo-tshù 阮祖公仔佮著怹遐的亲友 gún tsóo-kong-á kah-tio̍h in hia-ê tshin-iú 对嘉庆君就蹛甲这久 tuì Ka-khìng-kun tiō tuà kah tsit-kú 阿爸讲拜祖先顾祖厝 a-pah kóng pài tsóo-sian kòo tsóo-tshù 保庇全家添福寿 pó-pì tsuân-ke thiam-hok-siū 我是愈听目睭愈雺雾 guá sī jú thiann ba̍k-tsiu jú bông-bū 哈唏兼盹龟 hah-hì kiam tuh-ku
日子过了遐尔久 ji̍t-tsí kuè-liáu hiah-nī kú 日子过了遐尔久 ji̍t-tsí kuè-liáu hiah-nī kú 我的故乡 guá ê kòo-hiong 是按怎会变这样 sī-án-tsuánn ē piàn tsit-iūnn
叔公仔讲著做田面就忧 tsik-kong--á kóng-tio̍h tsuè-tshân bīn tō iu 挲草的䞐伊彼双老岁仔手 so-tsháu--ê tshun i hit siang lāu-huè-á tshiú 婶婆拄著囝孙仔就一直搝 tsím-pô tú-tio̍h kiánn-sun-á tō it-ti̍t giú 讲有闲嘛去共恁祖公仔 kóng ū-îng mā khì kā lín tsóo-kong-á 烧一枝香 sio tsi̍t-ki hiunn
- 感谢 W.B. Chen 修正歌词
- 友站连结: W.B. Chen
|