- 歌词
- 专辑列表
- 歌手介绍
郭大诚
-
流浪拳头师
作词:谢丽燕 作曲:郭大诚
来来 来来 锣声鼓声响四边 现在总请列位众兄弟 阮一行三五名 为著名 声拼生命啊 请你紧来看 流浪江湖硬软的功夫 紧来 紧来 紧来啦 口白:来...大家就围来参考 若爱看拳头免惊无 日本力道山是好手刀兼柔道 也若美国鼻子督督 目稠罗罗 若欲要干二步他着要木信顾才算会和 若印度黑和大库是通人知 若咱中国达摩后功夫是最厉害 也若小弟是真不才 腹肚若饥著全部数 也腹肚若饱都无半步 来.....看....太祖拳是打硬枝 若白鹤拳是像麻薯 狗拳是好脚手 猴拳是吃目绸 搭....看....看一步吞荆放甲 起手落差 喂 这部脚手若没锡打 若无会像眠床顶跳伦巴 来 看乎真 这步叫做童子拜观音 目绸著爱撒乎金 才勿桌布看做面巾 喂 这步也更好 叫做落地的猛虎 目绸若要革库库 内衫会看做内裤 喂 阁来要更好 关公倒拖刀 这步动作若无做好 勿前打会自己先倒 喂 喂阁续落去就是山人挽仙桃 若挽著 后代敢会找无 喂 阁来就是凌波洗身躯的格势 不是准备欲出嫁 喂 各位你就要看详细 才勿给凌波歹势 来阁续落也较好不是要相婆 也不是要跳漫波 就是要拳头拼柔道 也若欲好就是愈落去愈好 看.....看 来来 来来 今日有缘来相逢 明日就要阁再换别位 太祖拳像铁枝 白鹤拳是像麻薯啊 啊 请你紧来看 流浪江湖硬软的功夫 紧来 紧来 紧来啦~
------------------------------------------
15828/《流浪拳头师》Liû-lōng Kûn-thâu-sai 郭大诚Kueh Tāi-sîng
来来来来 lâi lâi lâi lâi 锣声鼓声响四边 lô-siann kóo-siann hiáng sì-pinn 现在总请列位众兄弟 hiān-tsāi tsóng tshiánn lia̍t-uī tsiòng hiann-tī 阮一行三五名 gún tsi̍t-kiânn sann-gōo miâ 为著名声拼性命 uī-tio̍h miâ-siann piànn-sìnn-miā 啊~请恁紧来看 ah~ tshiánn lín kín lâi khuànn 流浪江湖的 liû-lōng kang-ôo ê 硬软的功夫 ngī-nńg ê kang-hu 紧来紧来 kín lâi kín lâi 紧来啦 kín lâi--lah
↓↓(口白)---(口白)---(口白)↓↓ 来来来 lâi lâi lâi 看看看 khuànn khuànn khuànn 人济话就济 lâng tsuē uē tiō tsuē 三色人讲五色话 sam-sik lâng kóng ngóo-sik uē 有人讲爱食菜花 ū-lâng kóng ài tsia̍h tshài-hue 嘛有人爱苦瓜 mā ū-lâng ài khóo-kue 有人爱看弄楼 ū-lâng ài khuànn lāng-lâu 犹嘛有人 iáu mā ū-lâng 爱看拍拳头 ài khuànn phah-kûn-thâu
来!逐家倚来参考 lâi! ta̍k-ke uá lâi tsham-khó 若爱看拳头 nā ài khuànn kûn-thâu 免惊无 bián-kiann bô 日本力道山 ji̍t-pún Li̍k-tō-san 是好手刀兼柔道 sī hó tshiú-to kiam jiû-tō 啊若美国 ah nā bí-kok 鼻仔啄啄 phīnn-á tok-tok 目睭浊浊 ba̍k-tsiu lô-lô 若欲掔两步仔 nā beh khian nn̄g-pōo--á 伊著bők-sìn-kuh (boxing) i tio̍h bők-sìn-kuh 才算会和 tsiah sǹg ē-hô 啊若印度乌阁大箍 ah ná Ìn-tōo oo koh tuā-khoo 是通人知 sī thong-lâng tsai 若咱中国 ná lán Tiong-kok 达摩的功夫 Ta̍t-môo ê kang-hu 是最厉害 sī tsuè lī-hāi 更多更详尽歌词 在 ※ Mojim.com 魔镜歌词网
啊若小弟是真不才 ah nā sió-tī sī tsin put-tsâi 腹肚若枵全步数 pak-tóo nā iau tsuân pōo-sòo 啊腹肚若饱就无半步 ah pak-tóo nā pá tiō bô-puànn-pōo 来!看! lâi! khuànn! 太祖拳是拍硬枝 thài-tsóo-kûn sī phah ngī-ki 啊若白鹤拳是像麻糍 ahnā pe̍h-ho̍h-kûn sī tshiūnn muâ-tsî 猴拳是好跤手 kâu-kûn sī hó kha-tshiú 狗拳食目睭 káu-kûn sī tsia̍h ba̍k-tsiu
嗒!看一步吞肩放胛 tah! khuànn tsi̍t-pōo thun-king pàng-kah 起手落插 khí-tshiú lo̍h-tshah 欸~这步跤手著爱铄拍 eh~ tsit pōo kha-tshiú tio̍h-ài siak-phah 才袂敢若亲像 tsiah buē kánn-ná tshin-tshiūnn 咧眠床顶跳伦巴 teh bîn-tshn̂g-tíng thiàu lùn-bah 来!看予真 lâi! khuànn hōo tsin 这步叫做童子拜观音 tsit pōo kiò-tsuè tông-tsú pài Kuan-im 目睭著爱𢼌予金 ba̍k-tsiu tio̍h-ài pa hōo kim 才袂桌布看做面巾 tsiah bē toh-pòo khuànn-tsò bīn-kin
欸~啊这步就是落地的猛虎 eh~ ah tsit pōo tsiū-sī lo̍h-tē ê bíng-hóo 目睭若欲激怐怐 ba̍k-tsiu nā beh kik-khòo-khòo 内衫会看做内裤 lāi-sann ē khuànn-tsuè lāi-khòo 阁来!看予好! koh lâi! khuànn hōo hó! 这步叫做关公倒拖刀 tsit pōo kiò-tsuè Kuan-kong tò thua to 动作若无做好 tōng-tsok nā bô tsò hó 未曾拍会家己先倒 buē-tsîng phah ē ka-kī sing tó 啊绁落去 ah suà--lo̍h-khì 就是山人挽仙桃 tsiū-sī san-jîn bán sian-thô 挽若著 bán nā tio̍h 后代敢若会揣无 āu-tāi kánn ē tshē-bô
欸~阁来就是 eh~ koh lâi tsiū-sī 凌波洗身躯的架势 Lîng-pho sé-sin-khu ê kè-sè 毋是准备欲出嫁 m̄-sī tsún-pī beh tshut-kè 但是请各位爱看详细啊 tān-sī tshiánn kok-uī ài khuànn siông-sè--ah 才袂予凌波歹势 tsiah buē hōo Lîng-pho pháinn-sè 来!阁来犹较好 lâi! koh lâi iáu khah hó 毋是欲相褒 m̄-sī beh sio-po 也毋是欲跳曼波 iā m̄-sī beh thiàu bàn-booh 就是欲来拳头拼柔道 tsiū-sī beh lâi kûn-thâu piànn jiû-tō 啊若欲好 ah nā beh hó 就是愈落去愈好 tsiū-sī jú loh--khì jú hó 看! khuànn! ↑↑(口白)---(口白)---(口白)↑↑
来来来来 lâi lâi lâi lâi 今仔日有缘来相逢 kia̋nn-ji̍t ū-iân lâi siong-hông 明日就欲阁再换别位 bîng-ji̍t tiō beh koh-tsài uānn pa̍t-uī 太祖拳像铁枝 thài-tsóo-kûn tshiūnn thih-ki 白鹤拳是像麻糍 pe̍h-ho̍h-kûn sī tshiūnn muâ-tsî 啊~请恁紧来看 ah~ tshiánn lín kín lâi khuànn 流浪江湖的 liû-lōng kang-ôo ê 硬软的功夫 ngī-nńg ê kang-hu 紧来紧来紧来啦 kín lâi kín lâi kín lâi--lah
- 感谢 W.B. Chen 修正歌词
- 友站连结: W.B. Chen
|