- 专辑介绍
- 歌词
- 专辑列表
- 歌手介绍
拍谢少年乐团
-
无题
作词:拍谢少年 作曲:拍谢少年
我想你已经知影彼两天, 我是决心离开莫阁越头盼望 是你的执癖,予我袂喘气啊 咱的生活走精恬恬跋落无声
是我坚持欲走,你着莫阁姑情 想你讲进前的日子,是天星闪烁啊 较早是黏黐黐,啊这马生份满满 扶着我的心肝忧闷遮尔重
是好天气,做伙散步去 是好天气,咱做伙散步去 亲像开始的时,你讲你一定爱去 今仔日又梦醒,轻声落目屎滴 落雨的暗暝
你那会目箍红?你那会目箍红红? 过稀微的生活 ,是悲伤来强迫
彼当时,用你的批纸纪录散场的感觉 这出啊,予命运的风车搧落黑暗的山林 最近的我,已经是无法度,来佮你作伴
你彼段坎坷的线,著算是倔强归工孔嘴痛 嘛会孤单恬恬看 我离开啥人照顾啊,爱惯习自己坐车提物件 但是无聊欲按怎
惊无人知,你的感觉 惜情的人啊,是一条无尾巷 爱较紧认清看破 惊无人知,你的感觉 惜情的人啊,是一条无尾巷 爱较紧认清看破
------------------------------------------
《无题》Bû-tê 拍谢少年(歹势少年乐团Pháinn-sè Siàu-liân Ga̍k-thuân)
我想你 guá siūnn lí 已经知影彼两工 í-king tsai-iánn hit nn̄g-kang 我是决心离开 guá sī kuat-sim lī-khui 莫阁越头盼望 mài koh ua̍t-thâu phàn-bāng 是你的执癖 sī lí ê tsip-phiah 予我袂喘气啊 hōo guá buē tshuán-khuì--ah 咱的生活走精 lán ê sing-ua̍h tsáu-tsing 恬恬跋落无声 tiām-tiām pua̍h-lo̍h bô-siann
是我坚持欲走 sī guá kian-tshî beh tsáu 你着莫阁姑情 lí tio̍h mài koh koo-tsiânn 想你讲进前的日子 siūnn lí kóng tsìn-tsîng ê ji̍t-tsí 是天星闪烁啊 sī thinn-tshinn siám-sih--ah 较早是黏黐黐 khah-tsá sī liâm-thi-thi 啊这马生份满满 ah tsit-má senn-hūn muá-muá 扞着我的心肝 huānn tio̍h guá ê sim-kuann 忧闷遮尔重 iu-būn tsiah-nī tāng
是好天气 更多更详尽歌词 在 ※ Mojim.com 魔镜歌词网 sī hó thinn-khì 做伙散步去 tsò-hué sàn-pōo khì 是好天气 sī hó thinn-khì 咱做伙散步去 lán tsò-hué sàn-pōo khì 亲像开始的时 tshin-tshiūnn khai-sí ê sî 你讲你一定爱去 lí kóng lí it-tīng ài khì 今仔日又梦醒 kin-á-ji̍t iū bāng tshínn 轻声落目屎滴 khin-siann lo̍h ba̍k-sái tih 落雨的暗暝 lo̍h-hōo ê àm-mî
你哪会目箍红 lí ná ē ba̍k-khoo âng 你哪会目箍红红 lí ná ē ba̍k-khoo âng-âng 过稀微的生活 kuè hi-bî ê sing-ua̍h 是悲伤来强迫 sī pi-siong lâi kiông-pik
彼当时 hit-tong-sî 用你的批纸 iōng lí ê phue-tsuá 纪录散场的感觉 kì-lo̍k suànn-tiûnn ê kám-kak 这出啊 tsit tshut--ah 予命运的风车 hōo miā-ūn ê hong-tshia 搧落乌暗的山林 siàn lo̍h oo-àm ê san-lîm 最近的我 tsuè-kīn ê guá 已经是无法度 í-king sī bô-huat-tōo 来佮你做伴 lâi kah lí tsuè-phuānn
你彼段坎坷的线 lí hit tuānn khám-khia̍t ê suànn 著算是倔强几工 tio̍h sǹg-sī ku̍t-kiông kuí kang 空喙疼 khang-tshuì thiànn 嘛会孤单恬恬看 mā ē koo-tuann tiām-tiām khuànn 我离开啥人照顾啊 guá lī-khui siánn-lâng tsiàu-kòo--ah 爱惯势家己坐车提物件 ài kuàn-sì ka-kī tsē-tshia the̍h mi̍h-kiānn 但是无聊欲按怎 tān-sī bô-liâu beh án-tsuánn
惊无人知你的感觉 kiann bô-lâng tsai lí ê kám-kak 惜情的人 sioh-tsîng ê lâng 是一条无尾巷 sī tsi̍t-tiâu bô-bué-hāng 爱较紧认清看破 ài khah-kín jīn-tshing khuànn-phuà 惊无人知 kiann bô-lâng tsai 你的感觉 lí ê kám-kak 惜情的人 sioh-tsîng ê lâng 是一条无尾巷 sī tsi̍t-tiâu bô-bué-hāng 爱较紧认清看破 ài khah-kín jīn-tshing khuànn-phuà
- 感谢 W.B. Chen 修正歌词
- 友站连结: W.B. Chen
|