- 专辑介绍
- 歌词
- 专辑列表
- 歌手介绍
李英宏
-
牛母伴
作词:李英宏 作曲:李英宏 编曲:李英宏
听你唱着古早在这片土地的生活 郁闷的心声 为了三餐奔波四处看 走到脚底 都膨疱 也要继续忍着拖着人生的犁 担著序大的话
日头赤炎 也得要照起工 有时风雨若大 踏着烂土也得行 人生的艰苦 是要讲给谁人听 只有唱一段 唱一段 我的心声
张日贵: 古早 生活 是真 啊 艰 啊 苦
想到命运的悲哀 咱没权利来安排 落山风吹着眼泪 咻咻在嚎 唱出咱的心声 风吹着琼麻 举头望着天 请祢保庇 咱四季丰收 毋通歹过日 手持月琴 唱出人生 无奈的心情 浮浮沈沈的心 像海浪来来去去
序大为我唱着一段牛母伴 心疼痛 吐出心酸跟无奈的心声 给我们听 盼望咱伺候囝婿 孝顺大官 本分就要知影 啊 为咱再唱一段牛母伴
张日贵: 古早 生活 是真 啊 艰 啊 苦
------------------------------------------
19723/《牛母伴》Gû-bó-phuānn 李英宏Lí Ing-hông 张日贵Tiunn Ji̍t-kuì
古早 kóo-tsá 生活 sing-ua̍h 是真啊艰啊苦 sī tsin--ah kan--ah khóo -
听你唱着古早 thiann lí tshiùnn tio̍h kóo-tsá 伫这片土地的生活 tī tsit phìnn thóo-tē ê sing-ua̍h 郁闷的心声 ut-būn ê sim-siann 为著三顿 uī-tio̍h sann-tǹg 走傱四界看 tsáu-tsông sì-kè khuànn 行到跤底拢膨疱 kiânn kah kha-té lóng phòng-phā 也著忍咧 iā to̍h lún--leh 继续拖着人生的犁 kè-sio̍k thua tio̍h jîn-sing ê lê 担著序大的话啊 tann tio̍h sī-tuā ê uē--ah
日头刺疫 ji̍t-thâu tshiah-ia̍h 也著爱照起工 iā tio̍h-ài tsiàu-khí-kang 有时风雨若大 ū sî hong-hōo nā tuā 踏着烂涂 ta̍h-tio̍h nuā-thôo 也著行 iā tio̍h kiânn 人生的艰苦 jîn-sing ê kan-khóo 是欲讲予啥人听 sī beh kóng hōo siánn-lâng thiann 只有唱一段 tsí-ū tshiùnn tsi̍t-tuānn 唱一段 tshiùnn tsi̍t-tuānn 我的心声 guá ê sim-siann
古早 kóo-tsá 你讲古早的古早 lí kóng kóo-tsá ê kóo-tsá 生活 sing-ua̍h 是啥物款的生活 sī siánn-mih khuán ê sing-ua̍h 是真啊艰啊苦 sī tsin--ah kan--ah khóo 将苦调 tsiong khóo-tiāu 唱予怹听 tshiùnn hōo in thiann 更多更详尽歌词 在 ※ Mojim.com 魔镜歌词网
古早 kóo-tsá 你讲古早的古早 lí kóng kóo-tsá ê kóo-tsá 生活 sing-ua̍h 是啥物款的生活 sī siánn-mih khuán ê sing-ua̍h 是真啊艰啊苦 sī tsin--ah kan--ah khóo 将苦调 tsiong khóo-tiāu 唱予怹听 tshiùnn hōo in thiann
想着命运的悲哀 siūnn-tio̍h miā-ūn ê pi-ai 咱无权利来安排 lán bô khuân-lī lâi an-pâi 落山风吹着目屎 lo̍h-suann-hong tshue tio̍h ba̍k-sái 亲像咧吼 tshin-tshiūnn leh háu 唱出我的心声 tshiùnn-tshut guá ê sim-siann
风吹着琼麻 hong-tshue tio̍h khîng-muâ 攑头望着天 gia̍h-thâu bāng tio̍h thinn 请祢保庇 tshiánn Lí pó-pì 咱四季丰收 lán sù-kuì hong-siu 毋通歹过日 m̄-thang pháinn kuè-ji̍t 手攑月琴 tshiú gia̍h gue̍h-khîm 唱出人生 tshiùnn-tshut jîn-sing 无奈的心情 bô-nāi ê sim-tsîng 浮浮沉沉 phû-phû-tîm-tîm 心随海涌 sim suî hái-íng 来来去去 lâi-lâi-khì-khì
序大为阮 sī-tuā uī gún 唱着一段牛母伴 tshiùnn tio̍h tsi̍t-tuānn gû-bó-phuānn 心痛疼 sim thàng-thiànn 吐出心酸 thòo tshut sim-sng 佮无奈的心声 kah bô-nāi ê sim-siann 予咱听 hōo lán thiann 盼望咱伺候囝婿 phàn-bōng lán sù-hāu kiánn-sài 有孝大官 iú-hàu ta-kuann 本份著爱知影 pún-hūn tio̍h-ài tsai-iánn 啊~为我阁再唱着 ah~ uī guá koh-tsài tshiùnn tio̍h 一段牛母伴 tsi̍t-tuānn gû-bó-phuānn
古早 kóo-tsá 你讲古早的古早 lí kóng kóo-tsá ê kóo-tsá 生活 sing-ua̍h 是啥物款的生活 sī siánn-mih khuán ê sing-ua̍h 是真啊艰啊苦 sī tsin--ah kan--ah khóo 将苦调 tsiong khóo-tiāu 唱予怹听 tshiùnn hōo in thiann
古早 kóo-tsá 你讲古早的古早 lí kóng kóo-tsá ê kóo-tsá 生活 sing-ua̍h 是啥物款的生活 sī siánn-mih khuán ê sing-ua̍h 是真啊艰啊苦 sī tsin--ah kan--ah khóo 将苦调 tsiong khóo-tiāu 唱予怹听 tshiùnn hōo in thiann
- 感谢 W.B. Chen 修正歌词
- 友站连结: W.B. Chen
|