- 专辑介绍
- 歌词
- 专辑列表
南面而歌
-
阿却姨
作词:王俊杰 作曲:王俊杰
《阿却姨》A-khioh-î 王俊杰 Ông Tsùn-kia̍t【南面而歌】
(口白)-----↓ 每工透早 muí-kang thàu-tsá 天才拄拍殕光 thinn tsiah tú phah-phú-kng 阿却姨仔就赶紧起来煮早顿 A-khioh-î--á tō kuánn-kín khí-lâi tsú tsá-tǹg 以早是煮予一阵囡仔食 í-tsá sī tsú hōo tsi̍t-tīn gín-á tsia̍h 这马是煮予伊家己食 tsit-má sī tsú hōo i ka-kī tsia̍h 食饱闲闲 tsia̍h-pá îng-îng 罔行罔散步 bóng kiânn bóng sàn-pōo 四界罔看 sì-kè bóng khuànn 当做若运动 tòng-tsò ná ūn-tōng 行来到妈祖庙口 kiânn lâi-kàu má-tsóo-biō kháu 一阵姊妹仔伴 tsi̍t-tīn tsí-muāi-á-phuānn 心内话提出来罔讲 sim-lāi-uē the̍h tshut-lâi bóng kóng (口白)-----↑
怹讲前讲后讲过去 in kóng tsîng kóng āu kóng kuè-khì 讲东讲西讲现在 kóng tang kóng sai kóng hiān-tsāi 但是毋捌听怹讲未来 tān-sī m̄-bat thiann in kóng bī-lâi
若是心头掠袂定 nā-sī sim-thâu lia̍h-buē-tiānn 就来讲予妈祖听 tiō lâi kóng hōo Má-tsóo thiann 哎~心内的话无人疼 aih~ sim-lāi ê uē bô-lâng thiànn 无人通知影 bô-lâng thang tsai-iánn
岁头食到遮 huè-thâu tsia̍h kàu tsia 其实嘛无向啥 kî-si̍t mā bô ǹg siánn 祈求囝孙平安 kî-kiû kiánn-sun pîng-an 身体勇健 sin-thé ióng-kiānn
(口白)-----↓ 阿却姨仔三十五岁就来守寡 A-khioh-î--á sann-tsa̍p-gōo huè tō lâi tsiú-kuá 一阵囡仔遮大阵 tsi̍t-tīn gín-á tsiah tuā tīn 开喙就讨欲爱食 khui-tshuì tō thó beh-ài tsia̍h 彼阵细汉的半暝仔发烧 hit-tsūn sè-hàn--ê puànn-mê-á huat-sio 赶紧欲注射 kuánn-kín beh tsù-siā 医生讲著爱紧蹛院 i-sing kóng tio̍h-ài kín tuà-īnn 若无是会无性命 nā-bô sī ē bô sìnn-miā 今彼阵怹兜是散甲强欲予鬼仔掠 tann hit-tsūn in-tau sī sàn kah kiōng-beh hōo kuí-á lia̍h 阿却姨仔烦恼甲毋知欲按怎 A-khioh-î--á huân-ló kah m̄-tsai beh án-tsuánn 佳哉 佳哉隔壁阿珠仔 ka-tsài, ka-tsài keh-piah A-tsu--á 怹兜盖有量 in-tau kài ū-liōng 出来共怹斗打扎 tshut-lâi kā in tàu tánn-tsah (口白)-----↑
若无毋知欲按怎 nā-bô m̄-tsai beh án-tsuánn 啊毋知欲按怎 ah m̄-tsai beh án-tsuánn 啊欲按怎 ah beh án-tsuánn
伊那讲又阁那越头 i ná kóng iū-koh ná ua̍t-thâu 讲咱遮的姊妹仔 kóng lán tsia-ê tsí-muāi-á 实在予恁真劳力 si̍t-tsāi hōo lín tsin lóo-la̍t 几若十年拢予恁斗相共 kuí-nā tsa̍p-nî lóng hōo lín tàu-sann-kāng 恁拢是我的人情人 lín lóng-sī guá ê jîn-tsîng lâng 伊那讲又阁喙那笑 i ná kóng iū-koh tshuì ná tshiò 讲实在可怜喔 kóng si̍t-tsāi khó-liân--ooh 咱哪会逐家拢仝款 更多更详尽歌词 在 ※ Mojim.com 魔镜歌词网 lán ná ē ta̍k-ke lóng kāng-khuán
日头将欲沉落西 ji̍t-thâu tsiong bueh tîm lo̍h sai 等一句歹势 tán tsi̍t-kù pháinn-sè 一直拢等袂来 it-ti̍t lóng tán buē lâi 若想欲流目屎 nā siūnn-beh lâu ba̍k-sái 无爱哭予别人知 bô-ài khàu hōo pa̍t-lâng tsai 吞落腹内 thun lo̍h pak-lāi 笑容展出来 tshiò-iông tián--tshut-lâi
啊~无啥物通挂碍 ah~ bô-siánn-mi̍h thang kuà-gāi 月娘斜西 ge̍h-niû tshiâ-sai 日头浮出来 ji̍t-thâu phû--tshut-lâi
(口白)-----↓ 今仔日透早 kin-á-ji̍t thàu-tsá 天就才拄拍殕光 thinn tō tsiah tú phah-phú-kng 阿却姨仔伊就赶紧起来 A-khioh-î--á i tō kuánn-kín--khí-lâi 打扮阁兼梳妆 tánn-pān koh kiam se-tsng 伊厝前厝后 i tshù-tsîng tshù-āu 一遍来一遍去 tsi̍t-piàn lâi tsi̍t-piàn khì 看阁再看 khuànn koh-tsài khuànn 巡阁再巡 sûn koh-tsài sûn 伊讲遮的一花一草 i kóng tsia ê tsi̍t-hue tsi̍t-tsháu 伊拢欲共认予真 i lóng beh kā jīn hōo tsin 记予明 kì hōo bîng (口白)-----↑
行来到妈祖庙口 kiânn lâi-kàu má-tsóo-biō kháu 规阵姊妹仔拢咧等候 kui-tīn tsí-muāi-á lóng leh tán-hāu 怹拢穿着彼躯上新的老旗袍 in lóng tshīng tio̍h hit su siōng sin ê lāu kî-phâu
怹讲政府就有需要 in kóng tsìng-hú tiō ū su-iàu 今仔咱拢欲来搬走 kin-á lán lóng beh lâi puann tsáu 来去予囝孙仔共咱有孝 lâi-khì hōo kiánn-sun-á kā lán iú-hàu 上毋甘的 siōng m̄-kam--ê 就是几十年的厝边兜 tiō-sī kuí-tsa̍p nî ê tshù-pinn-tau
心内的话无人疼 sim-lāi ê uē bô-lâng thiànn 无人通知影 bô-lâng thang tsai-iánn 心头掠袂定 sim-thâu lia̍h-buē-tiānn 就来讲予妈祖听 tiō lâi kóng hōo Má-tsóo thiann 保庇咱此去拢好命 pó-pì lán tshú-khì lóng hó-miā
日头将欲沉落西 ji̍t-thâu tsiong bueh tîm lo̍h sai 等一句歹势 tán tsi̍t-kù pháinn-sè 一直拢等袂来 it-ti̍t lóng tán buē lâi 若想欲流目屎 nā siūnn-beh lâu ba̍k-sái 无爱哭予别人知 bô-ài khàu hōo pa̍t-lâng tsai 吞落腹内 thun lo̍h pak-lāi 笑容展出来 tshiò-iông tián--tshut-lâi
啊~无啥物通挂碍 ah~ bô-siánn-mi̍h thang kuà-gāi 月娘斜西 ge̍h-niû tshiâ-sai 日头浮出来 ji̍t-thâu phû--tshut-lâi 啊~无啥物通挂碍 ah~ bô-siánn-mi̍h thang kuà-gāi 月娘斜西 ge̍h-niû tshiâ-sai 日头浮出来 ji̍t-thâu phû--tshut-lâi
- 感谢 W.B. Chen 提供歌词
- 友站连结: W.B. Chen
|