专辑歌曲：
专辑介绍：
“这五年的生活光景，都浓缩在专辑当中。”
★ 台语唱作新人曾立馨首张母语专辑
★ 传统北管与流行音乐的跨界碰撞
★ 携手制作人 PiA 吴蓓雅共同打造
五年前，曾立馨为了学习北管搬到彰化，原先不习惯被曲馆文化制约，曾一度想放弃。历经人生迷惘与挫折时，因为找到信仰，才逐渐在彰化找到家的归属感。在埋头学习北管、品味小镇的闲适时，她也开始梳理自己的原生家庭，并将这段期间的思索谱写成歌曲。
专辑特别邀请 PiA吴蓓雅担任音乐制作人，携手将传统文化融入不同音乐风格，包含华语流行、嘻哈饶舌、爵士、拉丁、Bossa Nova 以及 City Pop 等元素。并邀请客语歌手范宸菲、饶舌歌手阿鸡 GLOJ 以及斗闹热走唱队合作献唱，为歌曲注入精彩纷呈的风貌。
“是时候慢慢走上回家的路。”
《转来的路》歌曲主题围绕在北管文化、庙会阵头、民俗信仰、告别式、彰化旧城以及个人议题的和解。曾立馨在传统器乐铿锵有力的基底下，诉说内心坚毅柔软的世界观，也开启一段重返家乡的路途。
※本作品获文化部影视及流行音乐产业局111年度补助
关于曾立馨
倔强的创作人，出生于台中。2017年发行第一张独立创作专辑《你想听到的那些？》后，认为自己的音乐不够有趣，于是定居彰化学习北管，试图将生活的所见所闻写成歌。曾于2022年获得“台湾原创流行音乐大奖河洛语组”佳作及现场表演奖。
曲目歌词
01. 古早的歌声（2023 Version）
我捾一跤皮箱 揣理想
行伫彰化的街仔头 定定咧躇踌
经过梨春园的门口 听着声
为著梦想 我蹛伫遮
学习北管的文化 有三冬外
予我来唱着古早的歌声
“可咿记咿~得咿~咿~
三更半夜和你跳过了粉咿~墙咿~”
未来的路会按怎 毋知影
相信西秦王爷会保庇 保庇我
坐伫梨春园的门口 听着声
揣著故乡的感觉 就是遮
唱着传统的幼曲 敢若袂䆀听
予我来唱出古早的心情
“可咿记咿~得咿~咿~
心惊胆战和你进了绣咿~房咿~
可咿记咿~得咿~咿~
三更半夜和你跳过了粉咿~墙咿~”
注：“”中的词是北管传统细曲《可记得》的片段。
02. 听讲
工乂工工 上乂工 工乂工工 乂工上*
听讲 阮阿公是一个总舖师
伊真出名 伫咧彼个年代
听讲 阮阿公是盖厉害 能文能武是逐家拢知
透早出门就无闲咧办桌
逐暗伫庙口咧教鼓
和你无缘 这敢是注定
我透早出门就无闲为三顿
逐暗伫庙口咧学鼓
无缘的阿公 你敢知影
这是你查某孙的生活
有时嘛真烦恼 有时著看运命
这是你查某孙的生活
有时嘛真顸颟 定定嘛学袂晓
阿公你敢知影 你的查某孙是真拍拼
阿公你敢知影 你的查某孙是真拍拼
工乂工工 上乂工 工乂工工 乂工上
透早出门就无闲咧作田
逐暗伫庙口咧教鼓
和你无缘 这敢是注定
我透早出门就无闲去唱歌
逐暗伫庙口咧学鼓
无缘的阿公 你敢知影
这是你查某孙的生活
有时嘛真烦恼 有时嘛盖奢飏
这是你查某孙的生活
有时嘛真顸颟 定定嘛学袂晓
阿公你敢知影 你的查某孙是真拍拼
阿公你敢知影 你的查某孙是真拍拼
阿公你敢知影 你的查某孙是真戆胆
阿公你敢知影 你的查某孙是真拚命
阿公你敢知影
注：*此为北管传统音乐注记方式，称为工尺谱，属于文字谱的一种。
03. 讲心事
三月天风微微 毋捌代志的囡仔时
伫巷仔口骑跤踏车 听着玲瑯仔声
叮叮铛铛 是开路的香客来矣
妈祖婆欲来矣 到位矣
保庇阮身体健康 顺顺利利阮事业大趁钱
有事无事 毋管 爱揣祢讲心事
保庇阮心情安定 万事如意 恋爱嘛有消息
食会饱 困会去 爱揣祢讲心事
初一十五爱看着祢
看祢心情才袂空虚
心内的艰苦爱揣祢讲 祢著爱保庇
初一十五爱看着祢
看祢心情才袂空虚
心内的艰苦爱揣祢讲 祢著爱保庇
有拜有保庇
今仔日又阁是乌暗天
电脑的批 哪会拢是歹消息
若是犹原阁揣无头路
这几年按呢是按怎度 是欲按怎度 啊
保庇阮身体健康 顺顺利利阮事业大趁钱
有事无事 毋管 爱揣祢讲心事
保庇阮心情安定 万事如意 恋爱嘛有消息
食会饱 困会去 爱揣祢讲心事
初一十五爱看着祢
看祢心情才袂空虚
心内的艰苦爱揣祢讲 祢著爱保庇
初一十五爱看着祢
看祢心情才袂空虚
心内的艰苦爱揣祢讲 祢著爱保庇
有拜有保庇
初一十五爱看着祢
看祢心情才袂空虚
心内的艰苦爱揣祢讲 祢著爱保庇
有拜有保庇
04. 二九瞑
饲粉鸟的你定定讲
粉鸟 毋管是天边海角 抑是盘山过岭
永远拢知影 转去的路
按呢我 应该是一只
揣无路的鸟仔
冷冷的北风
是粉鸟 输赢的日子
会当平安到厝内
是咱拢向望的代志
亲像 二九暝的暗时
逐家团圆 欢欢喜喜
有一站仔 我无爱踮厝内 想欲离开 骂阮敨气的日子
这马我大汉矣 才知影 人生百百款的问题
毋是逐家拢知影 欲按怎做一个好老爸
敢会使莫阁讲 予咱拢后悔的歹话
成功抑是失败
成功抑是失败
成功抑是失败 身体上要紧
成功抑是失败
冷冷的北风
是粉鸟 输赢的日子
会当平安到厝内
是咱拢向望的代志
亲像 二九暝的暗时
逐家团圆 欢欢喜喜
成功抑是失败（有啥物意义？）
成功抑是失败（敢若一出戏）
成功抑是失败 身体上要紧
成功抑是失败（是算啥物？）
成功抑是失败 是啥物意义？
成功抑是失败 干焦一出戏
成功抑是失败 身体上要紧
成功抑是失败
二九暝的暗时 准备牲礼 欲拜祖先矣
你的头鬃 是啥物时阵 白葱葱
成功抑是失败 就予阮来担
05. Interlude：乌面三妈
虚词
06. 月娘
啥物款的心情啊～ 恬恬仔过日
啥物款的角色啊～ 是真正的你
月娘弯弯 咧笑 月娘圆圆 咧看
逐日拢伫遐
远远仔看 文文仔笑
亲像妈妈
月娘啊～月娘 你敢有咧笑
月娘啊～月娘 你敢有咧听
家己的心声
是啥物款的心情 啊～啊～
家己的心声
是啥物款的心情 啊～啊～
（客语）
佢早就惯了 早就惯了
月光 就在该 就在该 系日常所在
有一日𠊎发现著 𠊎记毋得
佢个声 佢个面 佢个眼
净伸 风在该吹
目睭弯弯 咧笑 目睭金金 咧看
无仝款的面容
共阮疼惜 共咱看顾
恬恬仔过日（慢慢仔想起）
月娘啊～月娘 你敢有咧笑
（佢个声 𠊎个面）
月娘啊～月娘 你敢有咧听
（毋多知仔 惯了）（净伸风在该吹）
月娘啊～月娘 你敢有咧哭
（落雨个日 日头个日）（就在该 就在该）
月娘啊～月娘 你敢有问过家己
（月光 系日常所在）
家己的心声
是啥物款的心情 啊～啊～
家己的心声（自家个心声）
是啥物款的心情（系仰般个心性） 啊～啊～
月娘啊～月娘 （佢个声 𠊎个面）
月娘啊～月娘 （毋多知仔 惯了）
月娘啊～月娘 （净伸风在该吹）
月娘啊～月娘
定定讲免烦恼你
你敢有一个通歇喘的所在 啊～
定定讲免烦恼你
你敢有一个通歇喘的所在
啥物款的心情 啊～ 恬恬仔过日
啥物款的角色 啊～ 是真正的你
07.学北管
学北管 毋是逐家所想的遐尔简单
捌小可Do Re Mi 当做家己会晓
恁敢知啥物是六五乙
先的讲就爱会记得 北管的工尺谱 *
上工工乂上乂乂六工 乂上乂上
上乂工凡六五乙*
上工乂工上乂上五六工六五 上工乂工
先的讲就爱会记得 北管的鼓介**
嘟噜啦大 咯咚嘟 吼七吼七七吼七七吼七以七
（Tú-lú lah-tá kōo-tòng-tù khuàng tshi khuàng tshi tshi khuàng tshi tshi khuàng tshi ì tshi）
人讲介一**爱接火炮** 阁来介三**斩煞喔
吼吼咚吼 吼吼咚吼
（khuáng khuáng tòng khuáng khuáng khuáng tòng khuáng）
为著理想 搬到彰化
学北管 毋是戆人所想的 遐尔简单
毋是戆人所想的 遐尔简单
真锣假钞佮嘐潲鼓 大钞随在你插 （当做家己会晓）
鼓箸捎咧凊彩拍 先来火炮 阁来哭相思**（绁落过场囉）
三百年的文化 毋是我所想的遐尔简单
先的讲 唱曲爱记得 对拍的板撩***
（学北管 毋是戆人所想的遐尔简单 毋是戆人所想的遐尔简单）
板是正拍 撩是后板
（学北管 学北管 学北管 板 撩 板 撩 板 撩 板 撩）
先的讲 火炮是定定用的鼓介 是起头嘛是收尾
先的讲 有闲来遮 罔捝罔捝就会晓
鼓喙**是
大 嘟噜 吼七吼七
(tá tú-lú khuàng tshi khuàng tshi)
吼啊哢咚七啊哢咚 吼啊哢咚七啊哢咚
(khuáng ah lòng tòng tshi ah lòng tòng khuáng ah lòng tòng tshi ah lòng tòng)
吼啊哢咚七啊哢咚 吼啊哢咚七啊哢咚
(khuáng ah lòng tòng tshi ah lòng tòng khuáng ah lòng tòng tshi ah lòng tòng)
真锣假钞佮嘐潲鼓 大钞随在你插（当做家己会晓）
鼓箸捎咧凊彩拍
先来火炮 阁来哭相思（绁落过场囉）
三百年的文化 毋是我所想的遐尔简单
Ah～Ah～ Hey Yeah～ Yeah Yeah Yeah Yeah
吼啊哢咚七啊哢咚 吼啊哢咚七啊哢咚
(khuáng ah lòng tòng tshi ah lòng tòng khuáng ah lòng tòng tshi ah lòng tòng)
(毋是戆人所想的遐尔简单)
吼啊哢咚七啊哢咚 吼啊哢咚七啊哢咚
(khuáng ah lòng tòng tshi ah lòng tòng khuáng ah lòng tòng tshi ah lòng tòng)
(毋是戆人所想的遐尔简单)
吼啊哢咚七啊哢咚 吼啊哢咚七啊哢咚
(khuáng ah lòng tòng tshi ah lòng tòng khuáng ah lòng tòng tshi ah lòng tòng)
(毋是戆人所想的遐尔简单)
吼啊哢咚七啊哢咚 吼啊哢咚七叭哢咚吼
(khuáng ah lòng tòng tshi ah lòng tòng khuáng ah lòng tòng tshi pa̍h lòng tòng khuàng)
(毋是戆人所想的遐尔简单)
注：*“上乂工凡六五乙”为北管传统音乐注记方式，称为工尺谱，属于文字谱的一种。
注：**“鼓介”等同于“鼓喙”（又称锣鼓经）是北管锣鼓乐器的打击口诀。包含数十种打法，如介一、介三、火炮、哭相思都是鼓介名称。
注：***“板撩”为北管数节拍的标记方式。
注：歌词中工尺谱及锣鼓经采用彰化梨春园北管乐团惯用标记方式。
08.看闹热
是啥物时阵 逐摆看着你 拢会歹势（歹势 歹势）
是啥物时阵 我遐尔仔 爱看闹热
是啥物时阵 我开始 食你上爱的四秀仔
阵头闹热𩑾插
人未到 声先到
拍拳头 有够力 害我心内咧 噗噗跳 噗噗跳 心内咧 噗噗跳
有够力 害我心内咧 噗噗跳 噗噗跳 噗噗跳
透早 跤踏马路 望向天空 亲像就欲落雨
沃袂化 跤步手路 功夫补强 看看时间冗剩
我四界行行踅踅骨力搜揣我爱食的四秀仔
感觉面熟的你行来相对看
欸 敢若是你害我 捙倒担
拍拳头 有够力 害我心内咧 噗噗跳 噗噗跳 心内咧 噗噗跳
有够力 害我心内咧 噗噗跳 噗噗跳 噗噗跳
哈 我毋愿一个人 偷偷仔看亲像覕相揣
啊啊啊 哈 我啥物时阵才会当 会当牵你的手
拍拳头 有够力 害我心内咧 boom boom跳 boom boom跳 心内咧 boom boom跳
有够力 害我心内咧 boom boom跳 boom boom跳 boom boom跳
拍拳头 有够力 害我心内咧 boom boom跳 boom boom跳 心内咧 boom boom跳
（缀着我来跳前 跳后 跳到盹龟跳到出事）
有够力 害我心内咧 boom boom跳 boom boom跳 boom boom跳
（缀着我来跳悬 跳低 跳过师傅跳上宇宙）
09. 最后一场
天犹未光 风冷冷 四点的路灯 微微仔光
毋知是第几瞑 亲像咧眠梦
犹未清醒 就已经为你 准备出门
你看来是 爱闹热 无佮意悲伤
囝孙仔 揣你上爱的辣妹跳舞
北管佮牵亡 是你的意思
今仔日是你的 最后一场
一家伙仔亲像阁有 足济话 嘛袂赴 共你讲
犹有足济道理 和你交代的代志
你的教示 𪜶会记伫心肝底
一家伙仔亲像阁有 一寡工课 嘛袂赴替你做
你爱的演唱会 阁有环游世界
你就放心序细 好好去𨑨迌
最后一场 予我替你 好好发落
你看来是爱闹热 无佮意悲伤
囝孙仔 揣你上爱的辣妹跳舞
孝女白琴 可能无啥兴趣
今仔日是你的 最后一场
一家伙仔亲像阁有 足济话 嘛袂赴共你讲
犹有足济道理 和你交代的代志
你的教示 𪜶会记伫心肝底
一家伙仔亲像阁有 一寡工课 嘛袂赴替你做
你爱的演唱会 阁有环游世界
你就放心序细 好好去𨑨迌
最后一场 予我替你 好好发落
10. 也是
一枝草 一点露*
看你 归工伫厝 无揽无拈
看你 困甲眠眠 茫茫渺渺
烧风那吹 规身驱黏黐黐
闷热的夏天 我逃进了小房间
闷热的空间 我又掉进梦里面 糜烂的自己
混混沌沌越想越多 半梦半醒有话想说
我也是有感觉的 我不想听谁的
人讲 一枝草 一点露
人讲 一枝草 一点露
一枝草 一点露
可不可以释放自己
怎么悲伤怎么哭泣
可不可以放过自己
不要再过度努力
盛夏的午后 我躲进了小房间（来了）
昏暗的空间 我又掉进梦里面
混混沌沌越想越多 半梦半醒有话想说（奴看他 睡在咿）
我也是有感觉的 我不想听谁的（牙床咿上）
人讲 一枝草 一点露
人讲 一枝草 一点露
一枝草 一点露
可不可以释放自己
怎么悲伤怎么哭泣
可不可以放过自己
可不可以释放自己
怎么悲伤怎么哭泣
可不可以相信自己
不要再放弃努力
注：*台湾俗谚意指天无绝人之路，如同露水始终带给草儿生命一样。
注：（）中的词是撷取北管戏曲〈红娘送书〉片段，出自《西厢记》。
11. 心内的地图
oh oh 心内的地图
心内的地图 oh oh 一步一步
小小的城 一步一步行
是阿妈的思念佮阿公的故事
小小的城 一步一步行
有转来故乡的意志
离开故乡的意念
城门消失的城 伊的子民拢有心内的地图
城门消失的城 伊的地界犹原记持是三百岁
来喔 行一摆心内的地图
干焦遮的囡仔有按呢记持
来看走街仔先 一支“秤仔”斗闹热
徛伫小西街 麻糍 肉圆 秫米糋
心内的地图 oh oh 心内的地图
心内的地图 oh oh 一步一步
心内的地图 oh oh 心内的地图
心内的地图 一步一步
一步一步行过香炉 听着我的心愿
一步一步行到曲馆 舞台顶 众仙出台
一步一步毋惊辛苦 担葱卖菜
提着喙食物仔 平常的滋味
来喔 行一摆心内的地图
干焦遮的囡仔有按呢记持
来看走街仔先 一支“秤仔”斗闹热
徛伫小西街 麻糍 肉圆 秫米糋
心内的地图 oh oh 心内的地图
心内的地图 oh oh 一步一步
心内的地图 oh oh 心内的地图
心内的地图 一步一步
一步一步行过香炉 听着我的心愿
一步一步行到曲馆 舞台顶 众仙出台
一步一步毋惊辛苦 担葱卖菜
提着喙食物仔 平常的滋味
来喔 行一摆心内的地图
干焦按呢的城会使沓沓仔行
沓沓仔行 沓沓仔行 沓沓仔行 一步一步
|
