- 歌词
- 专辑列表
Baboo
-
尪仔标的世界
作词:林暐哲 作曲:林暐哲
我做囝仔的时阵 不知啥米叫做无伴 功课那咧写 外口都那咧唤(喂出来喔搧尪仔标喔) 彼个死囝仔阿文尚大声 每拜害我去给阮母仔骂 不过愈骂心肝煞愈痒 功课连一半著写没了 尪仔标沙咧著没看耶影 拢无惊到时阵会吃两顿打
暗顿吃妈妈 早顿老师请 反正手也未膨泡 尪仔标一定爱搧赢
义美耶铁饼盒仔里底 圆圆仔尪仔标一桶一桶 有新 有旧 有赢来 有买来 拢总马有归囉百张
我没别项会赛 搧尪仔标尚厉害 我没别项会赛 尪仔标是我的世界
尪仔标给妈妈烧了了 我开始了解什么叫做无情 尪仔标咧着火 我心内的火咧著(唉查某人心肝真雄)
阿文带头耶那阵猴囝仔 自那拜著未曾来招我去游玩 害我读册愈读愈无心情 功课归去煞拢没写 铅笔举咧嘴耶黑白咬 对人生我开始感觉无聊
三顿照常吃 打骂拢不惊 等我后拜大汉 尪仔标一定爱赚饱饱
银行耶屉仔内底 四四角角耶尪仔标一塔一塔 有新 有旧 大笔 小笔 一天嘛有归囉百万
我没别项会赛 数尪仔标尚厉害 我没别项会赛 我活在尪仔标的世界 我活在尪仔标的世界 尪仔标是我的世界
------------------------------------------
14857/《尪仔标的世界》Ang-á-phiau ê Sè-kài Baboo乐团
我做囡仔的时阵 guá tsò gín-á ê sî-tsūn 毋知啥物叫做无伴 m̄-tsai siánn-mih kiò-tsò bô-phuānn 功课那咧写 kong-khò ná leh siá 外口就那咧喝 guā-kháu tō ná leh huah ↓---(口白)---↓ 喂~出来喔 uê~ tshut--lâi ooh 搧尪仔标喔 siàn ang-á-phiau--ooh ↑---(口白)---↑
彼箍死囡仔阿文 hit khoo sí-gín-á A-bûn 上大声 siōng tuā-siann 逐摆害我 ta̍k-pái hāi guá 去予阮母仔骂 khì hōo gún bú--á mā 毋过愈骂 m̄-koh jú mā 心肝煞愈擽 sim-kuann suah jú ngiau 功课连一半 kong-khò liân tsi̍t-puànn 都写无了 to siá bô-liáu 尪仔标捎咧 ang-á-phiau sa--leh 就无看着影 tō bô khuànn-eh iánn 拢毋惊到时阵 lóng m̄-kiann kàu-sî-tsūn 会食两顿拍 ē tsia̍h nn̄g-tǹg phah
暗顿食妈妈 àm-tǹg tsia̍h má-mah 早顿老师请 tsá-tǹg lāu-su tshiánn 横直手曷袂膨疱 huînn-ti̍t tshiú a̍h buē phòng-phā 尪仔标一定爱搧赢 ang-á-phiau it-tīng ài siàn iânn
义美的铁饼盒仔内底 Gī-bí ê thih piánn-a̍p-á lāi-té 圆圆的尪仔标 更多更详尽歌词 在 ※ Mojim.com 魔镜歌词网 înn-înn ê ang-á-phiau 一緟一緟 tsi̍t-thōng-tsi̍t-thōng 有新有旧 ū sin ū kū 有赢来 ū iânn--lâi 有买来 ū bé--lâi 拢总嘛有几若百张 lóng-tsóng mā ū kuí-lō pah tiunn
我无别项会使 guá bô pa̍t-hāng ē-sái 搧尪仔标上厉害 siàn ang-á-phiau siōng lī-hāi 我无别项会使 guá bô pa̍t-hāng ē-sái 尪仔标是我的世界 ang-á-phiau sī guá ê sè-kài
尪仔标予妈妈烧了了 ang-á-phiau hōo má-mah sio liáu-liáu 我开始了解 guá khai-sí liáu-kái 啥物叫做无情 sánn-mih kiò-tsuè bô-tsîng 尪仔标咧着火 ang-á-phiau leh to̍h-hué 我心内的火咧著 guá sim-lāi ê hué leh to̍h 唉~查某人心肝真雄 haih~ tsa̋u-lâng sim-kuann tsin hiông
阿文𤆬头的 A-bûn tshuā-thâu ê 彼阵猴囡仔 hit-tīn kâu-gín-á 自彼摆就毋捌 tsū hit-pái tō m̄-bat 来招我𨑨迌 lâi tsio guá thit-thô 害我读册 hāi guá tha̍k-tsheh 愈读愈无心情 jú tha̍k jú bô-sim-tsiânn 功课规气煞拢无写 kong-khò kui-khì suah lóng bô siá 铅笔攑咧喙咧 iân-pit gia̍h leh tshuì--eh 乌白咬 oo-pe̍h kā 对人生 tuì jîn-sing 我开始感觉无聊 guá khai-sí kám-kak bô-liâu
三顿照常食 sann-tǹg tsiàu-siông tsia̍h 拍骂拢毋惊 phah-mā lóng m̄-kiann 等我后摆大汉 tán guá āu-pái tuā-hàn 尪仔标一定爱趁饱饱 ang-á-phiau it-tīng ài thàn pá-pá
银行的屉仔内底 gîn-hâng ê thuah-á lāi-té 四四角角的尪仔标 sì-sì-kak-kak ê ang-á-phiau 一叠一叠 tsi̍t-tha̍h-tsi̍t-tha̍h 有新有旧 ū sin ū kū 大笔小笔 tuā-pit sió-pit 一工嘛有几若百万 tsi̍t-kang mā ū kuí-lō pah-bān
我无别项会使 guá bô pa̍t-hāng ē-sái 算尪仔标上厉害 sǹg ang-á-phiau siōng lī-hāi 我无别项会使 guá bô pa̍t-hāng ē-sái 我活伫尪仔标的世界 guá ua̍h tī ang-á-phiau ê sè-kài 我活伫尪仔标的世界 guá ua̍h tī ang-á-phiau ê sè-kài 尪仔标是我的世界 ang-á-phiau sī guá ê sè-kài 尪仔标是我的世界 ang-á-phiau sī guá ê sè-kài 尪仔标是我的世界 ang-á-phiau sī guá ê sè-kài
- 感谢 W.B. Chen 修正歌词
- 友站连结: W.B. Chen
|