- 歌词
- 专辑列表
- 歌手介绍
澎恰恰
-
伸袂出手
作曲:蔻东颖
20528/《伸袂出手》Tshun Buē-tshut Tshiú 澎恰恰Pōng Tshia̍h Tshia̍h
女) 你酒哪会啉袂停 lí tsiú ná ē lim buē-thîng 将人生这罐 tsiong jîn-sing tsit kuàn 甘醇苦涩的酒 kam-sûn khóo-siap ê tsiú 啉甲拢无䞐 lim kah lóng bô tshun 啉甲拢无䞐 lim kah lóng bô tshun 烧酒醉 sio-tsiú-tsuì 无转去 bô tńg--khì 你是去佗位 lí sī khì tó-uī
男) 夜深啦 iā tshim--lah 天顶有淡薄仔冷 thinn-tíng ū tām-po̍h-á líng 原来是冷 guân-lâi sī líng 身躯才会感觉冰冰 sin-khu tsiah ē kám-kak ping-ping 对锁咧的窗仔门 tuì só--leh ê thang-á-mn̂g 钻去伊的房间 tsǹg khì i ê pâng-king 看着伊 khuànn-tio̍h i 阁等欲共我开门 koh tán beh kā guá khui-mn̂g
男) 伸袂出手 tshun buē-tshut tshiú 嘛爱伸出手 mā ài tshun tshut tshiú 去摸伊 khì bong i 红贡贡的目睭 âng kòng-kòng ê ba̍k-tsiu 女) 你的手 lí ê tshiú 伊煞当做是月光 i suah tòng-tsuè sī ge̍h-kng 遐尔仔冷 hiah-nī-á líng 遐尔仔冰 hiah-nī-á ping
女) 你酒哪会一直啉 lí tsiú ná ē it-ti̍t lim 将未来彼罐 tsiong bī-lâi hit kuàn 犹未拍开的酒 iáu-buē phah-khui ê tsiú 捾出来啉 kuānn tshut-lâi lim 捾出来啉 kuānn tshut-lâi lim 斟满满 thîn muá-muá 啉落去 lim--lo̍h-khì 你会烧酒醉 lí ē sio-tsiú-tsuì 更多更详尽歌词 在 ※ Mojim.com 魔镜歌词网
男) 夜深啦 iā tshim--lah 跤步踏袂出声 kha-pōo ta̍h buē tshut-siann 原来是月光 guân-lâi sī ge̍h-kng 派人送我去揣伊 phài lâng sàng guá khì tshuē i 对锁咧的窗门 tuì só--leh ê thang-mn̂g 行到伊的房间 kiânn kàu i ê pâng-king 看着伊 khuànn-tio̍h i 阁咧等我 koh teh tán guá 犹未困 iáu-buē khùn
男) 电火的光 tiān-hué ê kng 照着我的身躯 tsiò tio̍h guá ê sin-khu 疼甲覕去 thiànn kah bih khì 覕去伊的目睭 bih khì i ê ba̍k-tsiu 女) 伊的心 i ê sim 蹛伫记持的彼间厝 tuà tī kì-tî ê hit king tshù 永远无爱 íng-uán bô-ài 伊永远无爱出门 i íng-uán bô-ài tshut-mn̂g
男) 伸袂出手 tshun buē-tshut tshiú 嘛爱伸出手 mā ài tshun tshut-tshiú 去摸伊 khì bong i 红贡贡的目睭 âng kòng-kòng ê ba̍k-tsiu 女) 你的手 lí ê tshiú 伊煞当做是月光 i suah tòng-tsuè sī ge̍h-kng 遐尔仔冷 hiah-nī-á líng 遐尔仔冰 hiah-nī-á ping
男) 伸袂出手 tshun buē-tshut tshiú 嘛爱伸出手 mā ài tshun tshut-tshiú 去摸伊 khì bong i 红贡贡的目睭 âng kòng-kòng ê ba̍k-tsiu 女) 你的手 lí ê tshiú 伊煞当做是月光 i suah tòng-tsuè sī ge̍h-kng ...
- 感谢 W.B. Chen 提供歌词
- 友站连结: W.B. Chen
|