- 歌词
- 专辑列表
- 歌手介绍
尤雅
-
风雨萧声
黑暗暗恐怖海边, 波浪声连天, 暴风雨可怕暗暝, 走到海岸边, 今日是伊结婚的日子, 忍不住心伤悲, 决意要离开去, 后世再相见。
伊对阮虽然有情, 不敢来答应, 波浪声又叫无停, 心内真分明, 若亲像替阮抱不平, 总讲为报恩情, 才著爱来牺牲, 决心了残生。
风萧萧雨也飘飘, 真情断不了, 真感情才最重要, 谁人都明了, 在生难得共渡春宵, 在天是真宵遥, 有二条神魂飘游, 合唱安魂调。
------------------------------------------
《风雨箫声》Hong-ú Siau-siann 尤雅Iû Ngá 黄玉玲N̂g Gio̍k-lîng 余文雄Î Bûn-hiông
乌暗暗恐怖海边 oo-àm-àm khióng-pòo hái-pinn 波浪声连天 pho-lōng siann liân-thinn 暴风雨可怕暗暝 po̍k-hong-ú khó-phà àm-mî 行到海岸边 kiânn kàu hái-huānn pinn 今日是伊结婚日子 kim-ji̍t sī i kiat-hun ji̍t-tsí 忍不住心伤悲 jím put-tsū sim siong-pi 决意欲离开去 kuat-ì beh lī-khui khì 后世再相见 āu-sì tsài sio-kìnn
↓↓---(口白)---↓↓ 小芬小芬小芬 Sió-hun Sió-hun Sió-hun 你哪会走来遮咧 lí ná ē tsáu-lâi tsia--leh
你免管我 lí bián kuán guá 今仔日 kin-á-ji̍t 是你结婚的日子 sī lí kiat-hun ê ji̍t-tsí 你不应该将新娘放咧 lí put ìng-kai tsiong sin-niû pàng--leh 来遮揣我 lâi tsia tshē guá 你紧转去 lí kín tńg--khì 你紧转去 lí kín tńg--khì
无感无情无同意的结婚 bô-kám-bô-tsîng bô tông-ì ê kiat-hun 我无承认 guá bô sîng-jīn 我欲佮你做伙 guá beh kah lí tsò-hué
拜托咧 pài-thok--leh 你毋通按呢讲 lí m̄-thang án-ne kóng 你若按呢 lí nā án-ne 我的良心会永远不安 guá ê liông-sim ē íng-uán put-an 我自细汉是无人疼惜的孤女 guá tsū suè-hàn sī bô-lâng thiànn-sioh ê koo-lú 佳哉是你的爸爸妈妈 ka-tsài sī lí ê pá-pah má-mah 共我抾去饲到大汉 kā guá khioh khì tshī kàu tuā-hàn 若亲像我再生的爸母 ná-tshin-tshiūnn guá tsài-sinn ê pē-bú 这个恩情 tsit ê un-tsîng 我毋敢放袂记咧 guá m̄-kánn pàng-buē-kì--eh 你赶紧转去啦 lí kuánn-kín tńg--khì lah
哼!恩情是恩情 hngh! un-tsîng sī un-tsîng 爱情是爱情 ài-tsîng sī ài-tsîng 这根本是两回事嘛 tse kin-pún sī nn̄g-huê sū--mah 咱两个互相相爱 lán nn̄g-ê hōo-siong siong-ài 为啥物袂当结婚咧 uī-sí-mih bē-tàng kiat-hun--leh 拢是阮爸母毋允准咱的结婚 lóng-sī gún pē-bú m̄ ún-tsún lán ê kiat-hun 所以我怨恨怹啦 sóo-í guá uàn-hūn in--lah
你哪会讲按呢 lí ná ē kóng án-ne 我毋敢怨恨啥物人 guá m̄-kánn uàn-hūn siánn-mih lâng 总讲是咱无缘 tsóng-kóng sī lán bô-iân 你毋通阁讲绁落去囉 lí m̄-thang koh kóng suà--lo̍h-khì looh
若按呢 nā án-ne 更多更详尽歌词 在 ※ Mojim.com 魔镜歌词网 你来遮创啥咧 lí lâi tsia tshòng siánn--leh
我我只有想死 guá, guá tsí-ū siūnn sí
啥物?死? siánn-mih? sí? ↑↑---(口白)---↑↑
伊对阮虽然有情 i tuì gún sui-jiân ū-tsîng 毋敢来答应 m̄-kánn lâi tah-ìng 波浪声又叫无停 pho-lōng siann iū kiò bô thîng 心内真分明 sim-lāi tsin hun-bîng 若亲像替阮抱不平 ná-tshin-tshiūnn thuè gún phāu-put-phîng 总讲为报恩情 tsóng-kóng uī pò un-tsîng 才著爱来牺牲 tsiah tio̍h-ài lâi hi-sing 决心了残生 kuat-sim liáu tsân-sing
↓↓---(口白)---↓↓ 小芬你既然想死 Sió-hun lí kì-jiân siūnn sí 我也欲佮你斗阵死 guá iā beh kah lí tàu-tīn sí
欸!袂用得 eh! buē-īng-lit 你有家庭 lí ū ka-tîng 你有爸母 lí ū pē-bú 厝内犹阁有 tshù-lāi iáu-koh ū 一个太太咧等你 tsi̍t-ê thài-thài teh tán lí
我毋管啦 guá m̄-kuán--lah 我无答应 guá bô tah-ìng 我无佮意的婚姻 guá bô kah-ì ê hun-in 我我无爱啦 guá, guá bô-ài--lah
你若按呢做 lí nā án-ne tsò 我岂毋是变成一个 guá khí m̄-sī piàn-sîng tsi̍t-ê 忘恩背义的人 bōng-un puē-gī ê lâng 你也变成一个不孝子 lí iā piàn-sîng tsi̍t-ê put-hàu-tsú
是 sī 我愿意做一个不孝子 guá guān-ì tsò tsi̍t-ê put-hàu-tsú 爸爸妈妈我真不孝 pá-pah má-mah guá tsin put-hàu 但是这也拢是恁做得来的 tān-sī tse iā lóng sī lín tsò-tit-lâi--ê 谁叫恁强迫我娶别人 siáng kiò lín kiông-pik guá tshuā pa̍t-lâng 拆散阮的情爱 thiah-suànn gún ê tsîng-ài 恁毋通完全怪我 lín m̄-thang uân-tsuân kuài guá 怪恁自己太过固执好啦 kuài lín tsū-kí thài-kuè kòo-tsip hó--lah
真情真爱 tsin-tsîng tsin-ài 一对可怜的好伴侣 tsi̍t tuì khó-liân ê hó phuānn-lī 有坚定意志 ū kian-tīng ì-tsì 虽然在生 sui-jiân tsāi-senn 毋是同月同日生 m̄-sī tông-gue̍h tông-ji̍t senn 但愿同日死 nā guān tông-ji̍t sí 永远两相依 íng-uán lióng-siong-i 爱情永不移 ài-tsîng íng put-î 双双对对伴相随 siang-siang tuì-tuì phuānn-sio-suî 天上结情义 thian-siōng kiat tsîng-gī
小芬 Sió-hun 我遮有一条皮带 guá tsia ū tsi̍t tiâu phuê-tuà 咱两个缚做伙 lán nn̄g-ê pa̍k tsò-hué 虽然在生袂当做堆 sui-jiân tsāi-senn bē-tàng tsò-tui 死也甘愿伴相随 sí iā kam-guān phuānn-sio-suî ↑↑---(口白)---↑↑
风萧萧 hong siau-siau 雨也飘飘 ú iā phiau-phiau 真情断不了 tsin-tsîng tuān put-liáu 真感情才最重要 tsin kám-tsîng tsiah tsuè tiōng-iàu 啥人都明了 siánn-lâng to bîng-liâu 在生难得共度春宵 tsāi-sinn lân-tit kiōng-tōo tshun-siau 在天是真逍遥 tsāi thinn sī tsin siau-iâu 有两条神魂飘渺 ū nn̄g-tiâu sîn-hûn phiau-biáu 同唱安魂调 tông-tshiùnn an-hûn-tiāu
- 感谢 W.B. Chen 修正歌词
- 友站连结: W.B. Chen
|