- 专辑介绍
- 歌词
- 专辑列表
- 歌手介绍
王瑞霞
-
偝巾
22970/《偝巾》Āinn‑kin 王瑞霞Ông Suī-hâ
一条长长的思念 tsi̍t-tiâu tn̂g-tn̂g ê su-liām 一直陪伴我 it-ti̍t puê-phuānn guá 一冬过一冬 tsi̍t-tang kuè tsi̍t-tang 彼是我细汉 he sī guá sè-hàn 上盖温暖的眠床 siōng-kài un-luán ê bîn-tshn̂g 轻轻摇着我入梦 khin-khin iô tio̍h guá ji̍p bāng
伫阿母的世界 tī a-bú ê sè-kài 伊的尻脊骿 i ê kha-tsiah-phiann 是我的舞台 sī guá ê bú-tâi 海角佮天涯 hái-kak kah thian-gâi 伊偝我去的所在 i āinn guá khì ê sóo-tsāi 人人呵咾我 lâng-lâng o-ló guá 真𠢕司奶 tsin gâu sai-nai 可爱 khó-ài
只要将阿母揽著 tsí-iàu tsiong a-bú lám--tio̍h 就放心 tiō hòng-sim 我知影 guá tsai-iánn 伊的爱佮我的心 i ê ài kah guá ê sim 上接近 siōng tsiap-kīn 自细汉 tsū sè-hàn 享受伊的致荫 hiáng-siū i ê tì-ìm 最感动的证明 tsuè kám-tōng ê tsìng-bîng 全部拢藏伫这条偝巾 tsuân-pōo lóng tshàng tī tsit tiâu āinn-kin
更多更详尽歌词 在 ※ Mojim.com 魔镜歌词网 若想起 nā siūnn-khí 阿母养饲的苦心 a-bú iúnn-tshī ê khóo-sim 我知影 guá tsai-iánn 世间上伟大的爱 sè-kan siōng uí-tāi ê ài 是亲情 sī tshin-tsîng 就亲像这条偝巾 tiō tshin-tshiūnn tsit tiâu āinn-kin 一段长长的爱 tsi̍t-tuānn tn̂g-tn̂g ê ài 爱到如今 ài kàu jû-kim ---
静静听着 tsīng-tsīng thiann tio̍h 伊心跳的声音 i sim-thiàu ê siann-im 就会当 tiō ē-tàng 慢慢沉醉在 bān-bān tîm-tsuì tsāi 美丽的困眠 bí-lē ê khùn-bîn 自细汉享受伊的致荫 tsū sè-hàn hiáng-siū i ê tì-ìm 最感动的证明 tsuè kám-tōng ê tsìng-bîng 全部拢藏伫这条偝巾 tsuân-pōo lóng tshàng tī tsit tiâu āinn-kin
感谢你 kám-siā lí 阿母付出著一生 a-bú hù-tshut tio̍h it-sing 带予我 tuà hōo guá 平凡又幸福快乐的家庭 pîng-huân iū hīng-hok khuài-lo̍k ê ka-tîng 我留着这条偝巾 guá lâu tio̍h tsit tiâu āinn-kin 一段长长的爱 tsi̍t-tuānn tn̂g-tn̂g ê ài 爱到如今 ài kàu jû-kim
- 感谢 W.B. Chen 提供歌词
- 友站连结: W.B. Chen
|