- 歌词
- 专辑列表
王昭华
-
阿爸彼两甲地
作词:王昭华 作曲:王昭华 编曲:杨邦昊
日子一年一年咧过 阿爸已经六十岁 逐工犹原落田做工课 厝内搁有两甲地 两甲下堀的溪埔地 一直拢是种稻仔 种稻仔实在有够厚工 赚的无够塞嘴孔
日子一年一年咧过 后生查某囡出社会 随人踮伫都市做工课 拼甲欲死无厝地 两甲下堀的溪埔地 加减会当种稻仔 种稻仔实在无采工 赚的无够塞嘴孔 阿爸彼两甲地 阿兄讲伊无爱做 彼两甲溪埔地 啊是会当赚偌济
从我细汉 一直到旦 稻仔价数无啥差 虽然粮价就爱稳定 做穑敢讲免生活 物资一工起过一工 宝岛敢搁会当住人 阿爸彼两甲地 莫怪阿兄无爱做 彼两甲溪埔地 啊是(做死)会当赚偌济
日子一年一年咧过 阿爸已经六十岁 逐工犹原落田做工课 厝内搁有两甲地 后生查某囡已经出社会 拼甲欲死无厝地 种稻仔吃头路煞拢仝款 赚无金牛塞嘴孔 从我细汉......
-------------------------------------------
作词:王昭华 作曲:王昭华 编曲:杨邦昊
《阿爸彼两甲地》A-pa Hit Nn̄g-kah Tē 王昭华 Ông Tsiau-huâ
日子一年一年咧过 ji̍t-tsí tsi̍t-nî tsi̍t-nî teh kuè 阿爸已经六十岁 a-pah í-king la̍k-tsa̍p huè 逐工犹原落田做工课 ta̍k-kang iu-guân lo̍h-tshân tsò khang-khuè 厝内阁有两甲地 tshù-lāi koh ū nn̄g-kah tē 两甲下窟的溪埔地 nn̄g-kah ē-khut ê khe-poo-tē 一直拢是种稻仔 it-ti̍t lóng-sī tsìng tiū-á 种稻仔 tsìng tiū-á 实在有够厚工 si̍t-tsāi ū-kàu kāu-kang 趁的 thàn--ê 无够窒喙空 bô-kàu that-tshuì-khang
日子一年一年咧过 ji̍t-tsí tsi̍t-nî tsi̍t-nî teh kuè 后生查某囝出社会 hāu-sinn tsa-bóo-kiánn tshut-siā-huē 随人踮伫都市做工课 suî lâng tiàm tī too-tshī tsò khang-khuè 拼甲欲死无厝地 piànn kah beh-sí bô tshù-tē 两甲下窟的溪埔地 nn̄g-kah ē-khut ê khe-poo tē 加减会当种稻仔 ke-kiám ē-tàng tsìng tiū-á 种稻仔 tsìng tiū-á 实在无彩工 si̍t-tsāi bô-tshái-kang 趁的 thàn--ê 无够窒喙空 bô-kàu that-tshuì-khang
阿爸彼两甲地 a-pah hit nn̄g-kah tē 阿兄讲伊无爱做 a-hiann kóng i bô-ài tsuè 彼两甲溪埔地 hit nn̄g-kah khe-poo-tē 啊是会当趁偌济 ah sī ē-tàng thàn guā-tsē
从我细汉 tsîng guá sè-hàn 一直到今 it-ti̍t kàu-tann 更多更详尽歌词 在 ※ Mojim.com 魔镜歌词网 稻仔价数无啥差 tiū-á kè-siàu bô siánn tsha 虽然粮价拢爱稳定 sui-jiân niû-kè lóng ài ún-tiānn 作穑敢讲免生活 tsoh-sit kám-kóng bián sing-ua̍h 物资一工起过一工 bu̍t-tsu tsi̍t-kang khí kuè tsi̍t-kang 宝岛敢阁会当蹛人 pó-tó kám koh ē-tàng tuà-lâng 阿爸彼两甲地 a-pah hit nn̄g-kah tē 莫怪阿兄无爱做 bo̍k-kuài a-hiann bô-ài tsuè 彼两甲溪埔地 hit nn̄g-kah khe-poo tē 啊是会当趁偌济 ah sī ē-tàng thàn guā-tsē
日子一年一年咧过 ji̍t-tsí tsi̍t-nî tsi̍t-nî teh kuè 阿爸已经六十岁 a-pah í-king la̍k-tsa̍p huè 逐工犹原落田做工课 ta̍k-kang iu-guân lo̍h-tshân tsò khang-khuè 厝内阁有两甲地 tshù-lāi koh ū nn̄g-kah tē 后生查某囝 hāu-sinn tsa-bóo-kiánn 已经出社会 í-king tshut-siā-huē 拼甲欲死无厝地 piànn kah beh-sí bô tshù-tē 种稻仔食头路 tsióng tiū-á tsia̍h-thâu-lōo 煞拢仝款 suah lóng kāng-khuán 趁无金牛窒喙空 thàn bô kim-gû that-tshuì-khang
从我细汉 tsîng guá sè-hàn 一直到今 it-ti̍t kàu-tann 稻仔价数无啥差 tiū-á kè-siàu bô siánn tsha 虽然粮价拢爱稳定 sui-jiân niû-kè lóng ài ún-tiānn 作穑敢讲免生活 tsoh-sit kám-kóng bián sing-ua̍h 物资一工起过一工 bu̍t-tsu tsi̍t-kang khí kuè tsi̍t-kang 宝岛敢阁会当蹛人 pó-tó kám koh ē-tàng tuà-lâng 阿爸彼两甲地 a-pah hit nn̄g-kah tē 阿兄讲伊无爱做 a-hiann kóng i bô-ài tsuè 彼两甲溪埔地 hit nn̄g-kah khe-poo-tē 啊是会当趁偌济 ah sī ē-tàng thàn guā-tsē
从我细汉 tsîng guá sè-hàn 一直到今 it-ti̍t kàu-tann 稻仔价数无啥差 tiū-á kè-siàu bô siánn tsha 虽然粮价拢爱稳定 sui-jiân niû-kè lóng ài ún-tiānn 作穑敢讲免生活 tsoh-sit kám-kóng bián sing-ua̍h 物资一工起过一工 bu̍t-tsu tsi̍t-kang khí kuè tsi̍t-kang 宝岛敢阁会当蹛人 pó-tó kám koh ē-tàng tuà-lâng 阿爸彼两甲地 a-pah hit nn̄g-kah tē 莫怪阿兄无爱做 bo̍k-kuài a-hiann bô-ài tsuè 彼两甲溪埔地 hit nn̄g-kah khe-poo tē 啊是会当趁偌济 ah sī ē-tàng thàn guā-tsē
阿爸彼两甲地 a-pah hit nn̄g-kah tē 莫怪阿兄无爱做 bo̍k-kuài a-hiann bô-ài tsuè 彼两甲溪埔地 hit nn̄g-kah khe-poo tē 做死会当趁偌济 tsò sí ē-tàng thàn guā-tsē
- 感谢 W.B. Chen 修正歌词
- 友站连结: W.B. Chen
|