- 专辑介绍
- 歌词
- 专辑列表
- 歌手介绍
大支
-
19470228(& 黄小柔 & 吴南颖)
作词:大支 作曲:大支、J.Wu
差不多是时候啊 走吧 结束了 留给你的恐怕只有背影 答应我 别哭 一切都已经有够 别哭 不值得再将目屎流 走的时候别回头 我不能留 请你带走你的爱 你不了解 不了解我的悲哀 我们在不同的世界 为了你好 就算这是伤害 我的不对 一开始不应该 结束时不能重来 一天过一天 我一直都是一个人 一个人困不去 一晚过一晚 这几冬 你是太甜太甜的梦 可惜今晚的月亮太暗 我看不到你许愿的星我们有太多不同 我和你 你还有足好的日子在等你 尽管去 真的是 有缘份所以我们得到 缘分尽 我们也没有失去到 一切随缘吧 好不好 以后遇的到 遇不到
(副歌) 谁能了解我的哀悲 没人可以将我安慰 这辈子注定 没偎没依 漂漂浪浪 没我没你又到深更 世界是那么的大 时间是那么的赶 叶子断枝孤孤单单 这份思念要到何时才会煞
V2
我必须要去世界的另外一边 那个所在 花不会开 天顶没星 酒喝不醉 因为没妳 多希望牵着你的手 陪在阮的身边 嘘 我愿意 JUST TAKE ME DON'T YOU LET GO 麦放弃 我不是那种不能吃苦的查某 不同的世界渡过 相同的风雨 DID YOU KNOW我对许愿的星 叫着你的名字 月亮哭给我听 命运拖磨 我不管啦 前世人 相欠 几世人 我的眼睛一闭 下一次搁遇到你 可能是两三百冬 我们两人 一步一步踩在同一条路 从开始当然也会走到结束 故事继续 我早就猜到你会这样这次真的不行 要让你失望了 歹事 别问我在哪 你在哪 嘘 眼睛闭上 打开双手 OK 我带你飞我带你飞
(副歌) 谁能了解我的哀悲 没人可以将我安慰 这辈子注定 没偎没依 漂漂浪浪 没我没你又到深更 世界是那么的大 时间是那么的赶 叶子断枝孤孤单单 这份思念要到何时才会停止
V3
就让我们约在那个所在 那个所在 咱的爱不会在有目屎 那个所在 一切都可以搁再重来 那个所在 你不用再 空等一个背影回来 看 花开了 流星闪过去了 今仔日就让他醉茫茫吧 喝啦 当明天妳睡醒打开眼睛 我保证不会再有风风雨雨扰乱到世间迷失的男男女女 牵阮的手 阮不会放开 就算是我已经离开着你的身驱边 天长地久 命运真的是将人捉弄 可能每次遇到你 红线总是绑不紧我跟妳 你是生命最美丽的那篇歌诗 写不完的每一个字咱会记 没办法得到的幸福 是妳的笑容 就像春天的风 在对旅行的人说 互相保重
(副歌)
谁能了解我的哀悲 没人可以将我安慰 这辈子注定 没偎没依 漂漂浪浪 没我没你又到深更 世界是那么的大 时间是那么的赶 叶子断枝孤孤单单 这份思念要到何时才会停止
他再也没有回来... 这位奶奶 从此再也没见到过他... 谨以此歌献给所有经历过这场苦难的人们....
------------------------------------------
《19470228》It-kiú-sù-tshit Khòng-jī Jī-pat 大支Tuā-ki 吴南颖Ngôo Lâm-íng 黄小柔N̂g Sió-jiû
↓↓(RAP)---(RAP)---(RAP)↓↓ 差不多是时阵矣 tsha-put-to sī sî-tsūn--ah 走吧结束矣 tsáu--pah kiat-sok--ah 留予你的 lâu hōo lí ê 恐惊只有背影 khióng-kiann tsí-ū puē-iánn 答应我莫哭 tah-ìng guá mài khàu 一切拢已经有够 it-tshè lóng í-king ū-kàu 莫哭 mài khàu 无值得阁将目屎流 bô ta̍t-tit koh tsiong ba̍k-sái lâu 走的时阵莫越头 tsáu ê sî-tsūn mài ua̍t-thâu 我袂当留 guá bē-tàng lâu 请你扎走你的爱 tshiánn lí tsah tsáu lí ê ài 你袂了解袂了解我的悲哀 lí bē liáu-kái bē liáu-kái guá ê pi-ai 咱伫无仝的世界 lán tī bô-kāng ê sè-kài 为着你好 uī-tio̍h lí hó 就算这是伤害 tō-sǹg tse sī siong-hāi 我的毋著 guá ê m̄-tio̍h 一开始无应该 tsi̍t-khai-sí bô ìng-kai 结束时袂当重来 kiat-sok sî bē-tàng tîng-lâi 一工过一工 tsi̍t-kang kuè tsi̍t-kang 我一直拢是一个人 guá it-ti̍t lóng-sī tsi̍t-ê-lâng 一个人困袂去 tsi̍t-ê-lâng khùn bē khì 一暗过一暗 tsi̍t-àm kuè tsi̍t-àm 这几冬 tsit kuí tang 你是伤甜伤甜的梦 lí sī siunn tinn siunn tinn ê bāng 可惜今仔暗的月娘伤暗 khó-sioh kin-á-àm ê gue̍h-niû siunn àm 我看袂着你下愿的星 guá khuànn bē tio̍h lí hē-guān ê tshinn 咱有伤济无仝 lán ū siunn tsē bô-kāng 我佮你 guá kah lí 你阁有足好的日子咧等你 lí koh ū tsiok hó ê ji̍t-tsí teh tán lí 做你去 tsò lí khì 真正是有缘份 tsin-tsiànn sī ū iân-hūn 所以咱得着的缘份了 sóo-í lán tit-tio̍h ê iân-hūn liáu 咱嘛无失去着 lán mā bô sit-khì tio̍h 一切随缘吧 it-tshè suî-iân--pah 好毋好 hó m̄-hó 以后拄会著 í-āu tú ē tio̍h 拄袂著 tú bē tio̍h ↑↑(RAP)---(RAP)---(RAP)↑↑ ↑↑(RAP)---(RAP)---(RAP)↑↑
啥人了解我的哀悲 siánn-lâng liáu-kái guá ê ai-pi 无人会当将阮安慰 bô-lâng ē-tàng tsiong gún an-uì 一世人注定无倚无依 tsi̍t-sì-lâng tsù-tiānn bô-uá bô-i 漂漂浪浪啊 phiau-phiau lōng-lōng--ah 无你又到深更 bô lí iū kàu tshim-kinn 世界是遐尔仔大 sè-kài sī hiah-nī-á tuā 时间是遐尔仔赶 sî-kan sī hiah-nī-á kuánn 叶仔断枝 hio̍h-á tn̄g ki 孤孤单单 koo-koo-tuann-tuann 这份思念 tsit hūn su-liām 爱到底时才会煞 ài kàu tī-sî tsiah ē suah 更多更详尽歌词 在 ※ Mojim.com 魔镜歌词网
↓↓(RAP)---(RAP)---(RAP)↓↓ ↓↓(RAP)---(RAP)---(RAP)↓↓ 男) 我必须爱去世界另外一爿 guá pit-su-ài khì sè-kài līng-guā tsi̍t-pîng 彼个所在 hit ê sóo-tsāi 花袂开天顶无星 hue bē khui thinn-tíng bô tshinn 酒啉袂醉 tsiú lim bē tsuì 因为无你 in-uī bô lí 偌希望牵着你的手 guā hi-bāng khan-tio̍h lí ê tshiú 陪伫阮的身躯边 puê tī gún ê sin-khu-pinn 女) 我愿意 guá guān-ì Just take me Don't you let go 莫放弃 mài hòng-khì 我毋是彼种袂当食苦的查某 guá m̄-sī hit tsióng bē-tàng tsia̍h-khóo ê tsa-bóo 无仝的世界渡过相仝的风雨 bô-kāng ê sè-kài tōo-kuè sio-kāng ê hong-hōo Did you know 我对下愿的星 guá tuì hē-guān ê tshinn 叫着你的名 kiò tio̍h lí ê miâ 月娘哭予我听 gue̍h-niû khàu hōo guá thiann 命运拖磨 miā-ūn thua-buâ 我毋管啦 guá m̄-kuán--lah 前世人相欠 tsîng-sì-lâng sio khiàm 这世人我目睭一瞌 tsit-sì-lâng guá ba̍k-tsiu tsi̍t kheh 后一改阁拄着你 āu-tsi̍t-kái koh tú-tio̍h lí 可能就是两三百冬 khó-lîng tō-sī nn̄g-sann-pah tang 咱两人一步一步 lán nn̄g-lâng tsi̍t-pōo-tsi̍t-pōo 踏伫仝一条路 ta̍h tī kāng tsi̍t-tiâu lōo 自开始 tsū khai-sí 当然嘛是会行到结束 tong-jiân mā sī ē kiânn kàu kiat-sok 故事继续 kòo-sū kè-sio̍k 男) 我早就臆着你会按呢 guá tsá tō ioh-tio̍h lí ē án-ne 这改真正袂当 tsit kái tsin-tsiànn bē-tàng 爱予你失望矣 ài hōo lí sit-bōng--ah 歹势啦 pháinn-sè--lah 莫问我伫佗 mài mn̄g guá tī tueh 女) 你伫佗 lí tī tueh? 男) 目睭瞌瞌拍开双手, ok? ba̍k-tsiu kheh-kheh phah-khui siang-tshiú, ok? 我𤆬你飞 guá tshuā lí pue 我𤆬你飞 guá tshuā lí pue ↑↑(RAP)---(RAP)---(RAP)↑↑ ↑↑(RAP)---(RAP)---(RAP)↑↑
啥人了解我的哀悲 siánn-lâng liáu-kái guá ê ai-pi 无人会当将阮安慰 bô-lâng ē-tàng tsiong gún an-uì 一世人注定无倚无依 tsi̍t-sì-lâng tsù-tiānn bô-uá bô-i 漂漂浪浪啊 phiau-phiau lōng-lōng--ah 无你又到深更 bô lí iū kàu tshim-kinn 世界是遐尔仔大 sè-kài sī hiah-nī-á tuā 时间是遐尔仔赶 sî-kan sī hiah-nī-á kuánn 叶仔断枝 hio̍h-á tn̄g ki 孤孤单单 koo-koo-tuann-tuann 这份思念 tsit hūn su-liām 爱到何时才会煞 ài kàu hô-sî tsiah ē suah
↓↓(RAP)---(RAP)---(RAP)↓↓ ↓↓(RAP)---(RAP)---(RAP)↓↓ 就予咱约伫彼个所在 tō hōo lán iok tī hit ê sóo-tsāi 彼个所在 hit ê sóo-tsāi 咱的爱袂阁再有目屎 lán ê ài bē koh-tsài ū ba̍k-sái 彼个所在 hit ê sóo-tsāi 一切拢会当阁再重来 it-tshè lóng ē-tàng koh-tsài tîng-lâi 彼个所在 hit-ê sóo-tsāi 你免阁再空等一个背影转来 lí bián koh-tsài khang tán tsi̍t-ê puē-iánn tńg--lâi 看 khuànn 花开矣 hue khui--ah 流星闪过去矣 liû-tshenn siám kuè-khì--ah 今仔日就予伊醉茫茫吧 kin-á-ji̍t tō hōo i tsuì-bâng-bâng--pah 啉吧 lim--pah 当明仔载你困醒拍开目睭 tng bîng-á-tsài lí khùn-tshénn phah-khui ba̍k-tsiu 我保证袂阁再有风风雨雨 guá pó-tsìng bē koh-tsài ū hong-hong-ú-ú 扰乱著世间迷失的男男女女 jiáu-luān tio̍h sè-kan bê-sit ê lâm-lâm-lú-lú 牵阮的手 khan gún ê tshiú 阮袂放开 gún bē pàng--khui 就算是阮已经离开着你的身躯边 tō-sǹg-sī gún í-king lī-khui tio̍h lí ê sin-khu-pinn 天长地久 thinn tn̂g tē kú 命运真正是共人创治 miā-ūn tsin-tsiànn sī kā lâng tshòng-tī 可能逐遍拄着你 khó-lîng ta̍k-piàn tú-tio̍h lí 红线总是缚袂絚 âng-suànn tsóng--sī pa̍k bē ân 我佮你 guá kah lí 你是性命上美丽的彼篇歌诗 lí sī sènn-miā siōng bí-lē ê hit phinn kua-si 写袂了的逐个字 siá bē liáu ê ta̍k-ê jī 咱会记得 lán ē-kì-tit 无法度得着的幸福 bô-huat-tōo tit-tio̍h ê hīng-hok 是你的笑容 sī lí ê tshiò-iông 就像春天的风 tō tshiūnn tshun-thinn ê hong 咧共旅行的人讲 leh kā lú-hîng ê lâng kóng 互相保重 hōo-siong pó-tiōng ↑↑(RAP)---(RAP)---(RAP)↑↑
啥人了解我的哀悲 siánn-lâng liáu-kái guá ê ai-pi 无人会当将阮安慰 bô-lâng ē-tàng tsiong gún an-uì 一世人注定无倚无依 tsi̍t-sì-lâng tsù-tiānn bô-uá bô-i 漂漂浪浪啊 phiau-phiau lōng-lōng--ah 无你又到深更 bô lí iū kàu tshim-kinn 世界是遐尔仔大 sè-kài sī hiah-nī-á tuā 时间是遐尔仔赶 sî-kan sī hiah-nī-á kuánn 叶仔断枝 hio̍h-á tn̄g ki 孤孤单单 koo-koo-tuann-tuann 这份思念 tsit hūn su-liām 爱到何时才会煞 ài kàu hô-sî tsiah ē suah
- 感谢 John Wen W.B. Chen 修正歌词
- 友站连结: W.B. Chen
|