- 歌词
- 专辑列表
张四十三
-
异乡的人
《异乡的人》Ī-hiong ê Lâng 张四十三Tiunn Sì-tsa̍p-sann
作词:Zhang43 作曲:Zhang43 编曲:郑捷任
真想欲问天顶的云 tsin siūnn-beh mn̄g thinn-tíng ê hûn 敢会使 kám ē-sái 牵你的衫缀你行 khan lí ê sann tuè lí kiânn 飘过山岭 phiau kuè suann-niá 阮想欲偷偷仔看 gún siūnn-beh thau-thau-á khuànn 伊胭脂 i ian-tsi 敢有为阮继续抹 kám ū uī gún kè-sio̍k buah
真想欲问经过的风 tsin siūnn-beh mn̄g king-kuè ê hong 你敢会 lí kám ē 吹过故乡彼粒山 tshue kuè kòo-hiong hit lia̍p suann 去共探听 khì kā thàm-thiann 彼爿的厝边佮亲情 hit-pîng ê tshù-pinn kah tshin-tsiânn 三月十八庙闹热 sann-gue̍h tsa̍p-peh biō lāu-jia̍t 敢有欲请 kám ū beh tshiánn
毋知写过 更多更详尽歌词 在 ※ Mojim.com 魔镜歌词网 m̄-tsai siá kuè 偌济条的歌 guā-tsuē tiâu ê kua 毋知欲唱予啥人听 m̄-tsai beh tshiùnn hōo siánn-lâng thiann 毋知唸过 m̄-tsai liām kuè 多少青春的孤单 to-siáu tshing-tshun ê koo-tuann 戏是欲搬予啥人看 hì sī beh puann hōo siánn-lâng khuànn
下暗又阁 e-àm iū-koh 来到庄跤店仔 lâi-kàu tsng-kha tiàm-á 烧酒一杯 sio-tsiú tsi̍t-pue 配忧愁啉予焦 phuè iu-tshiû lim hōo ta 店的头家讲 tiàm ê thâu-ke kóng 阮哪会遮尔罕行 gún ná ē tsiah-nī hán-kiânn 问阮敢有所通好蹛 mn̄g gún kám ū sóo-tsāi thang-hó tuà
阮是云飘过的异乡的人 gún sī hûn phiau--kuè ê ī-hiong ê lâng 流浪在都市做眠梦 liû-lōng tsāi too-tshī tsuè-bîn-bāng 阮是风吹过的异乡的人 gún sī hong tshue--kuè ê ī-hiong ê lâng 暗夜伴路灯无人送 àm-iā phuānn lōo-ting bô-lâng sàng
- 感谢 W.B. Chen 提供歌词
- 友站连结: W.B. Chen
|