- 专辑介绍
- 歌词
- 专辑列表
- 歌手介绍
谢铭祐
-
老兮啊
作词:谢铭祐 作曲:谢铭祐
若无将青春拢寄伫你遐 敢会较好命? 囡仔也大汉 厝变旅社 你䞐狗佮我
喙边咬著薰 沙眯望窗外 飞去佗位啦? 幸福是一躯穿久的衫 用生活补的彼领
老兮啊! 暗顿欲食啥? 我有炕一坩卤肉 食饱你著陪阮来公园行行咧 顺绁来去配你的目镜
老兮啊! 你目头一结 毋免讲我拢知影 欢喜艰苦拖磨遮人生的债 当时会收煞? 你药仔敢食矣?
老兮啊! 你早起一直揣无的彼领猎装 我想起来矣! 四、五冬前咱细汉兮吵欲欲 你著予伊矣! 看你揣徦气怫怫, 敢若囡仔咧! 你最近的血压小可较夯哦! 爱较注意一下 莫予我不时伫你边仔踅踅唸 我是恁某, 毋是恁老母, 知无? 啊! 好来困矣!
------------------------------------------
《老的啊》Lāu--ê-ah 谢铭祐Siā Bîng-iū
若无将青春 nā bô tsiong tshing-tshun 拢寄伫你遐 lóng kià tī lí hia 敢会较好命 kám ē khah hó-miā 囡仔也大汉 gín-á iā tuā-hàn 厝变旅社 tshù piàn lú-siā 你䞐狗佮我 lí tshun káu kah guá
喙边咬著薰 tshuì-pinn kā-tio̍h hun 沙微望窗外 sa-bui bāng thang-guā 飞去佗位啦 pue khì tó-uī--lah 幸福是一躯穿久的衫 hīng-hok sī tsi̍t-su tshīng kú ê sann 用生活补的彼领 iōng sing-ua̍h póo ê hit niá
老的啊 lāu--ê-ah 暗顿欲食啥 àm-tǹg beh tsia̍h siánn 我有炕一坩卤肉 guá ū khòng tsi̍t-khann lóo-bah 食饱你著陪阮 tsia̍h-pá lí tio̍h puê gún 来公园行行咧 lâi kong-hn̂g kiânn-kiânn--leh 顺绁来去配你的目镜 sūn-suà lâi-khì phuè lí ê ba̍k-kiànn
老的啊 lāu--ê-ah 你目头一结 lí ba̍k-thâu tsi̍t kat 毋免讲 m̄-bián kóng 我拢知影 guá lóng tsai-iánn 欢喜艰苦拖磨 huann-hí kan-khóo thua-buâ 遮人生的债 tsia jîn-sing ê tsè 当时会收煞 tang-sî ē siu-suah 更多更详尽歌词 在 ※ Mojim.com 魔镜歌词网 你药仔敢食矣 lí io̍h-á kám tsia̍h--ah
↓↓---(女声口白)---↓↓ 啊!老的啊 ah! lāu--ê-ah 你早起一直揣无的彼领猎装 lí tsái-khí it-ti̍t tshuē-bô ê hit niá la̍h-tsong 我想起来矣 guá siūnn--khí-lâi-ah 四五冬前 sì-gōo-tang tsîng 咱细汉的吵欲挃 lán sè-hàn--ê tshá beh-ti̍h 你就予伊矣 lí tō hōo i--ah 看你揣甲气怫怫 khuànn lí tshuē kah khì-phut-phut 敢若囡仔咧 kánn-ná gín-á--leh 你最近的血压 lí tsuè-kīn ê hiat-ap 小可较夯矣喔 sió-khuá khah giâ--ah-ooh 爱较注意一下 ài khah tsù-ì--tsi̍t-ē 莫予我 mài hōo guá 不时伫你边仔踅踅唸 put-sî tī lí pinn--á se̍h-se̍h-liām 我是恁某 guá sī lín bóo 毋是恁老母 m̄-sī lín lāu-bú 知无? tsai--bô? 啊!好来去困矣 ah! hó lâi-hì khùn--ah ↑↑---(女声口白)---↑↑
喙边咬著薰 tshuì-pinn kā-tio̍h hun 沙微望窗外 sa-bui bāng thang-guā 飞去佗位啦 pue khì tó-uī--lah 幸福是一躯穿久的衫 hīng-hok sī tsi̍t-su tshīng kú ê sann 用生活补的彼领 iōng sing-ua̍h póo ê hit niá
老的啊 lāu--ê-ah 暗顿欲食啥 àm-tǹg beh tsia̍h siánn 我有炕一坩卤肉 guá ū khòng tsi̍t-khann lóo-bah 食饱你著陪阮 tsia̍h-pá lí tio̍h puê gún 来公园行行咧 lâi kong-hn̂g kiânn-kiânn--leh 顺绁来去配你的目镜 sūn-suà lâi-khì phuè lí ê ba̍k-kiànn
老的啊 lāu--ê-ah 你目头一结 lí ba̍k-thâu tsi̍t kat 毋免讲 m̄-bián kóng 我拢知影 guá lóng tsai-iánn 欢喜艰苦拖磨 huann-hí kan-khóo thua-buâ 遮人生的债 tsia jîn-sing ê tsè 当时会收煞 tang-sî ē siu-suah 你药仔敢食矣 lí io̍h-á kám tsia̍h--ah
- 感谢 W.B. Chen 修正歌词
- 友站连结: W.B. Chen
|