- 专辑介绍
- 歌词
- 专辑列表
- 歌手介绍
王俊杰
-
阿却姨
作词:王俊杰 作曲:王俊杰
每工透早 天才拄拍昲光 阿却姨仔就赶快起来煮早顿 以早是煮予一阵囡仔食 这马是煮予伊家己食 食饱闲闲 罔行罔散步 四界罔看当做若运动 行来到妈祖庙口 佮这阵姊妹仔伴 心内话提出来罔讲
(演唱) 怹讲前讲后讲过去 讲东讲西讲现在 但是毋捌听怹讲未来 若是心头掠袂定 就来讲予妈祖听 (唉)心内的话无人疼 无人通知影 岁头食到遮 其实嘛无向啥(ǹg siánn) 祈求囝孙平安 身体勇健
(口白) 阿却姨仔三十五岁就来守寡 一阵囡仔遮大阵 一开喙就讨欲爱食 彼时细汉的半暝发烧 赶紧欲注射 医生讲著爱赶紧蹛院 若无是会无性命 彼时怹兜是散到强欲予鬼仔掠 阿却姨仔烦恼到毋知欲按怎 佳哉 佳哉阿珠仔怹兜盖有量 出来共怹斗打扎
(演唱) 若无毋知欲按怎 啊毋知欲按怎 啊欲按怎 伊那讲又阁那越头 讲咱遮的姊妹 实在予恁真劳力 几若十年拢予恁斗相共 恁拢是我的恩情人 伊那讲又阁喙那笑 讲实在可怜喔 咱哪会逐家拢仝款
日头将欲沉落西 等一句歹势一直拢等袂来 若想欲流目屎 无爱哭予别人知 吞落腹内 笑容展出来 啊~无啥物通挂碍 月娘斜西 日头浮出来
(口白) 今仔日透早 天才拄拍昲光 阿却姨仔就赶紧起来打扮阁兼梳妆 伊厝前厝后 一遍来一遍去 看阁再看 巡阁再巡 伊讲遮的一花一草 伊拢欲共伊认予真 记予明
(演唱) 行来到妈祖庙口 规阵姊妹仔拢咧等候 怹拢穿彼躯上新的老旗袍 怹讲政府就有需要 今仔咱拢欲来搬走 来去予囝孙仔共咱有孝 上毋甘的就是几十年的厝边兜
心内的话无人疼 无人通知影 心头掠袂定 就来讲予妈祖听 保庇咱此去拢好命
日头将欲沉落西 等一句歹势一直拢等袂来 若想欲流目屎 无爱哭予别人知 吞落肚内 笑容展出来 啊~无啥物通挂碍 月娘斜西 日头浮出来 啊~无啥物通挂碍 月娘斜西 日头浮出来
------------------------------------------
《阿却姨》A-khioh-î 王俊杰 Ông Tsùn-kia̍t【南面而歌】
(口白)-----↓ 每工透早 muí-kang thàu-tsá 天才拄拍殕光 thinn tsiah tú phah-phú-kng 阿却姨仔就赶紧起来煮早顿 A-khioh-î--á tō kuánn-kín khí-lâi tsú tsá-tǹg 以早是煮予一阵囡仔食 í-tsá sī tsú hōo tsi̍t-tīn gín-á tsia̍h 这马是煮予伊家己食 tsit-má sī tsú hōo i ka-kī tsia̍h 食饱闲闲 tsia̍h-pá îng-îng 罔行罔散步 bóng kiânn bóng sàn-pōo 四界罔看 sì-kè bóng khuànn 当做若运动 tòng-tsò ná ūn-tōng 行来到妈祖庙口 kiânn lâi-kàu má-tsóo-biō kháu 一阵姊妹仔伴 tsi̍t-tīn tsí-muāi-á-phuānn 心内话提出来罔讲 sim-lāi-uē the̍h tshut-lâi bóng kóng (口白)-----↑
怹讲前讲后讲过去 in kóng tsîng kóng āu kóng kuè-khì 讲东讲西讲现在 kóng tang kóng sai kóng hiān-tsāi 但是毋捌听怹讲未来 tān-sī m̄-bat thiann in kóng bī-lâi
若是心头掠袂定 nā-sī sim-thâu lia̍h-buē-tiānn 就来讲予妈祖听 tiō lâi kóng hōo Má-tsóo thiann 哎~心内的话无人疼 aih~ sim-lāi ê uē bô-lâng thiànn 无人通知影 bô-lâng thang tsai-iánn
岁头食到遮 huè-thâu tsia̍h kàu tsia 其实嘛无向啥 kî-si̍t mā bô ǹg siánn 祈求囝孙平安 kî-kiû kiánn-sun pîng-an 身体勇健 sin-thé ióng-kiānn
(口白)-----↓ 阿却姨仔三十五岁就来守寡 A-khioh-î--á sann-tsa̍p-gōo huè tō lâi tsiú-kuá 一阵囡仔遮大阵 tsi̍t-tīn gín-á tsiah tuā tīn 开喙就讨欲爱食 khui-tshuì tō thó beh-ài tsia̍h 彼阵细汉的半暝仔发烧 hit-tsūn sè-hàn--ê puànn-mê-á huat-sio 赶紧欲注射 更多更详尽歌词 在 ※ Mojim.com 魔镜歌词网 kuánn-kín beh tsù-siā 医生讲著爱紧蹛院 i-sing kóng tio̍h-ài kín tuà-īnn 若无是会无性命 nā-bô sī ē bô sìnn-miā 今彼阵怹兜是散甲强欲予鬼仔掠 tann hit-tsūn in-tau sī sàn kah kiōng-beh hōo kuí-á lia̍h 阿却姨仔烦恼甲毋知欲按怎 A-khioh-î--á huân-ló kah m̄-tsai beh án-tsuánn 佳哉 佳哉隔壁阿珠仔 ka-tsài, ka-tsài keh-piah A-tsu--á 怹兜盖有量 in-tau kài ū-liōng 出来共怹斗打扎 tshut-lâi kā in tàu tánn-tsah (口白)-----↑
若无毋知欲按怎 nā-bô m̄-tsai beh án-tsuánn 啊毋知欲按怎 ah m̄-tsai beh án-tsuánn 啊欲按怎 ah beh án-tsuánn
伊那讲又阁那越头 i ná kóng iū-koh ná ua̍t-thâu 讲咱遮的姊妹仔 kóng lán tsia-ê tsí-muāi-á 实在予恁真劳力 si̍t-tsāi hōo lín tsin lóo-la̍t 几若十年拢予恁斗相共 kuí-nā tsa̍p-nî lóng hōo lín tàu-sann-kāng 恁拢是我的人情人 lín lóng-sī guá ê jîn-tsîng lâng 伊那讲又阁喙那笑 i ná kóng iū-koh tshuì ná tshiò 讲实在可怜喔 kóng si̍t-tsāi khó-liân--ooh 咱哪会逐家拢仝款 lán ná ē ta̍k-ke lóng kāng-khuán
日头将欲沉落西 ji̍t-thâu tsiong bueh tîm lo̍h sai 等一句歹势 tán tsi̍t-kù pháinn-sè 一直拢等袂来 it-ti̍t lóng tán buē lâi 若想欲流目屎 nā siūnn-beh lâu ba̍k-sái 无爱哭予别人知 bô-ài khàu hōo pa̍t-lâng tsai 吞落腹内 thun lo̍h pak-lāi 笑容展出来 tshiò-iông tián--tshut-lâi
啊~无啥物通挂碍 ah~ bô-siánn-mi̍h thang kuà-gāi 月娘斜西 ge̍h-niû tshiâ-sai 日头浮出来 ji̍t-thâu phû--tshut-lâi
(口白)-----↓ 今仔日透早 kin-á-ji̍t thàu-tsá 天就才拄拍殕光 thinn tō tsiah tú phah-phú-kng 阿却姨仔伊就赶紧起来 A-khioh-î--á i tō kuánn-kín--khí-lâi 打扮阁兼梳妆 tánn-pān koh kiam se-tsng 伊厝前厝后 i tshù-tsîng tshù-āu 一遍来一遍去 tsi̍t-piàn lâi tsi̍t-piàn khì 看阁再看 khuànn koh-tsài khuànn 巡阁再巡 sûn koh-tsài sûn 伊讲遮的一花一草 i kóng tsia ê tsi̍t-hue tsi̍t-tsháu 伊拢欲共认予真 i lóng beh kā jīn hōo tsin 记予明 kì hōo bîng (口白)-----↑
行来到妈祖庙口 kiânn lâi-kàu má-tsóo-biō kháu 规阵姊妹仔拢咧等候 kui-tīn tsí-muāi-á lóng leh tán-hāu 怹拢穿着彼躯上新的老旗袍 in lóng tshīng tio̍h hit su siōng sin ê lāu kî-phâu
怹讲政府就有需要 in kóng tsìng-hú tiō ū su-iàu 今仔咱拢欲来搬走 kin-á lán lóng beh lâi puann tsáu 来去予囝孙仔共咱有孝 lâi-khì hōo kiánn-sun-á kā lán iú-hàu 上毋甘的 siōng m̄-kam--ê 就是几十年的厝边兜 tiō-sī kuí-tsa̍p nî ê tshù-pinn-tau
心内的话无人疼 sim-lāi ê uē bô-lâng thiànn 无人通知影 bô-lâng thang tsai-iánn 心头掠袂定 sim-thâu lia̍h-buē-tiānn 就来讲予妈祖听 tiō lâi kóng hōo Má-tsóo thiann 保庇咱此去拢好命 pó-pì lán tshú-khì lóng hó-miā
日头将欲沉落西 ji̍t-thâu tsiong bueh tîm lo̍h sai 等一句歹势 tán tsi̍t-kù pháinn-sè 一直拢等袂来 it-ti̍t lóng tán buē lâi 若想欲流目屎 nā siūnn-beh lâu ba̍k-sái 无爱哭予别人知 bô-ài khàu hōo pa̍t-lâng tsai 吞落腹内 thun lo̍h pak-lāi 笑容展出来 tshiò-iông tián--tshut-lâi
啊~无啥物通挂碍 ah~ bô-siánn-mi̍h thang kuà-gāi 月娘斜西 ge̍h-niû tshiâ-sai 日头浮出来 ji̍t-thâu phû--tshut-lâi 啊~无啥物通挂碍 ah~ bô-siánn-mi̍h thang kuà-gāi 月娘斜西 ge̍h-niû tshiâ-sai 日头浮出来 ji̍t-thâu phû--tshut-lâi
- 感谢 W.B. Chen 修正歌词
- 友站连结: W.B. Chen
|