- 专辑介绍
- 歌词
- 专辑列表
- 歌手介绍
邵大伦
-
八音之歌
作词:武雄 作曲:武雄
我欲来唱一首台语歌 将台语的八音唱予恁听 声调的悬低是有增差 请逐家缀我来唱予大声
君滚棍骨 君滚棍骨 群滚郡滑 群滚郡滑 七声八调 爱唱予伊标准 孙笋舜捽 孙笋舜捽 纯损顺术 纯损顺术 古早古早 就流传到这阵
我欲来唱一首台语歌 讲八音的学问是有够大 歌词佮旋律若斗无密 听起来就会重耽 伊是我的一生 毋是医死我的医生 一但若唱对颠倒音 意思就会走精
柳边求去地 波他曾入时 英门语出喜 咱来学台语
我欲来唱一首台语歌 讲八音的学问是有够大 声调是随时会起变化 请逐家做伙来详细听
风吹风吹是两只风吹 风吹风吹是阵阵风咧吹 译:(风筝风筝是两只风筝)(风吹风吹是阵阵风在吹) 风吹风吹是风咧吹风吹 风吹风吹是风吹予风吹 译:(风吹风筝是风在吹风筝)(风筝风吹是风筝被风吹)
咱拢来唱这首台语歌 将台语的八音唱予逐家听 歌好意阔 歌好意阔 词媠字活 词媠字活 清清楚楚 足有感觉 歌好意阔 歌好意阔 词媠字活 词媠字活 好唱好听 感恩感谢
------------------------------------------
20344/《八音之歌》Pat-im tsi Kua 邵大伦Siō Tāi-lûn
我欲来 guá beh lâi 唱一首台语歌 tshiùnn tsi̍t-siú Tâi-gí kua 将台语的八音 tsiong Tâi-gí ê pat-im 唱予恁听 tshiùnn hōo lín thiann 声调的悬低 siann-tiāu ê kuân-kē 是有精差 sī ū tsing-tsha 请逐家 tshiánn ta̍k-ke 缀我来唱予大声 tuè guá lâi tshiùnn hōo tuā-siann
君滚棍骨 kun kún kùn kut 君滚棍骨 kun kún kùn kut 群滚郡滑 kûn kún kūn ku̍t 群滚郡滑 kûn kún kūn ku̍t 七声八调 tshit-siann peh-tiāu 爱唱予伊标准 ài tshiùnn hōo i piau-tsún
孙笋舜捽 sun sún sùn sut 孙笋舜捽 sun sún sùn sut 纯损顺术 sûn sún sūn su̍t 纯损顺术 sûn sún sūn su̍t 古早古早 kóo-tsá kóo-tsá 就流传到这阵 tiō liû-thuân kàu tsit-tsūn
我欲来 guá beh lâi 唱一首台语歌 tshiùnn tsi̍t-siú Tâi-gí kua 讲八音的学问 kóng pat-im ê ha̍k-būn 是有够大 sī ū-kàu tuā 歌词佮旋律 kua-sû kah suân-lu̍t 若斗无峇 nā tàu bô bā 更多更详尽歌词 在 ※ Mojim.com 魔镜歌词网 听起来 thiann--khí-lâi 就会重耽 tiō ē tîng-tânn
伊是我的一生 i sī guá ê it-sing 毋是医死我的医生 m̄-sī i sí guá ê i-sing 一旦若唱对颠倒音 it-tàn nā tshiùnn tuì tian-tó im 意思就会走精 ì-sù tiō ē tsáu-tsing
柳边求去地 liú pian kiû khì tē 波他曾入时 pho thann tsing ji̍p sî 英门语出喜 ing bûn gí tshut hí 咱来学台语 lán lâi o̍h Tâi-gí
我欲来 guá beh lâi 唱一首台语歌 tshiùnn tsi̍t-siú Tâi-gí kua 讲八音的学问 kóng pat-im ê ha̍k-būn 是有够大 sī ū-kàu tuā 声调是 siann-tiāu sī 随时会起变化 suî-sî ē khí piàn-huà 请逐家做伙 tshiánn ta̍k-ke tsuè-hué 来详细听 lâi siông-sè thiann
风吹风吹 hong-tshue hong-tshue 是两只风吹 sī nn̄g-tsiah hong-tshue 风吹风吹 hong tshue hong tshue 是阵阵风咧吹 sī tsūn-tsūn hong leh tshue 风吹风吹 hong tshue hong-tshue 是风咧吹风吹 sī hong leh tshue hong-tshue 风吹风吹 hong-tshue hong tshue 是风吹予风吹 sī hong-tshue hōo hong tshue
咱拢来 lán lóng lâi 唱这首台语歌 tshiùnn tsit siú Tâi-gí kua 将台语的八音 tsiong Tâi-gí ê pat-im 唱予逐家听 tshiùnn hōo ta̍k-ke thiann 歌好 kua hó 意阔 ì khuah 歌好意阔 kua hó ì khuah 词媠 sû suí 字活 jī ua̍h 词媠字活 sû suí jī ua̍h 清清楚楚 tshing-tshing-tshóo-tshóo 足有感觉 tsiok ū kám-kak
歌好 kua hó 意阔 ì khuah 歌好意阔 kua hó ì khuah 词媠 sû suí 字活 jī ua̍h 词媠字活 sû suí jī ua̍h 好唱好听 hó tshiùnn hó-thiann 感恩感谢 kám-un kám-siā
- 感谢 W.B. Chen Chen 修正歌词
- 友站连结: W.B. Chen
|