- 专辑介绍
- 歌词
- 专辑列表
李兆麟
-
揣出口的路
23720/《揣出口的路》Tshuē Tshut-kháu ê Lōo 李隽永Lí Tsuán-íng 李昀庭Lí Ún-tîng 李兆麟Lí Tiāu-lîn
这是一条啥物路 tse sī tsi̍t-tiâu siánn-mih lōo 害我遮尔苦 hāi guá tsiah-nī khóo 我的身躯软膏膏 guá ê sin-khu nńg-kô-kô 前途看拢无 tsiân-tôo khuànn lóng bô 尿哪会遐济泡 jiō ná ē hiah tsē pho 羶哪会遮臭臊 hiàn ná ē tsiah tshàu-tsho 痰哪会遐尔癞 thâm ná ē hiah-nī thái-ko
莫缀我行这条路 mài tuè guá kiânn tsit tiâu lōo 彩色变乌乌 tshái-sik piàn oo-oo 斗阵的朋友乌趖趖 tàu-tīn ê pîng-iú oo-sô-sô 亲情闪阁𧮙 tshin-tsiânn siám koh tshoh 字定定看颠倒 jī tiānn khuànn tian-tó 喙焦若无泡 tshuì ta ná bô pho 规身躯软膏囉荍 kui-sin-khu nńg-kô-loh-siô
少年的 siàu-liân--ê 听我讲 thiann guá kóng 莫阁戆 mài koh gōng 莫阁荒唐 mài koh hong-tông 你若拄咧用 lí nā tú-teh iōng 改掉免阁讲 kái-tiāu bián koh kóng 莫予爸母掠狂 mài hōo pē-bú lia̍h-kông
沐著毒 bak-tio̍h thāu 人变做 lâng piàn-tsuè 悾悾悾 khőng-khong-khong 楞楞楞 gőng-gông-gông 倯倯倯 sőng-sông-sông 戆戆戆 gőng-gōng-gōng 这敢是你的愿望 tse kám-sī lí ê guān-bōng
沐著毒 bak-tio̍h thāu 人生就 jîn-sing tiō 乌乌乌 őo-oo-oo 趖趖趖 ső-sô-sô 涂涂涂 thőo-thôo-thôo 苦苦苦 khóo-khóo-khóo 赶紧踏出这一步 kuánn-kín ta̍h-tshut tsit tsi̍t-pōo 揣出口的路 更多更详尽歌词 在 ※ Mojim.com 魔镜歌词网 tshuē tshut-kháu ê lōo
啥人拐我行这条路 siánn-lâng kuái guá kiânn tsit tiâu lōo 害我遮艰苦 hāi guá tsiah kan-khóo 怪我家己太糊涂 kuài guá ka-kī thài hôo-tôo 离绝路三四步 lī tsua̍t-lōo sann-sì pōo 暝哪拢困袂饱 mî ná lóng khùn bē-pá 胃哪会遐尔慒 uī ná ē hiah-nī tso 血哪会遐尔浊浊 hueh ná ē hiah-nī lô-lô
莫缀我行这条路 mài tuè guá kiânn tsit tiâu lōo 闹热变孤孤 lāu-jia̍t piàn koo-koo 过去的朋友走拢无 kuè-khì ê pîng-iú tsáu lóng bô 警察定定来啰嗦 kíng-tshat tiānn lâi lo-so 脑无啥清楚 náu bô-sánn tshing-tshó 魂到底伫佗 hûn tàu-té tī toh 兄哥煞看做阿嫂 hiann-ko suah khuànn-tsuè a-só
少年的 siàu-liân--ê 听我讲 thiann guá kóng 莫阁戆 mài koh gōng 莫阁放荡 mài koh hòng-tōng 你若有咧用 lí nā ū teh iōng 改掉才阁讲 kái-tiāu tsiah-koh kóng 莫予爸母失望 mài hōo pē-bú sit-bōng
沐著毒 bak-tio̍h thāu 人变做 lâng piàn-tsuè 悾悾悾 khőng-khong-khong 楞楞楞 gőng-gông-gông 雄雄雄 hiőng-hiông-hiông 戆戆戆 gőng-gōng-gōng 紧褪掉乌色西装 kín thǹg-tiāu oo-sik se-tsong
沐著毒 bak-tio̍h thāu 人生就 jîn-sing tiō 乌乌乌 őo-oo-oo 涂涂涂 thőo-thôo-thôo 苦苦苦 khóo-khóo-khóo No No No 赶紧踏出这一步 kuánn-kín ta̍h-tshut tsit tsi̍t-pōo 往出口的路 óng tshut-kháu ê lōo
- 感谢 W.B. Chen 修正歌词
- 友站连结: W.B. Chen
|