- 专辑介绍
- 歌词
- 专辑列表
海岛青年实验室
-
若是讲你想欲飞(李崇铭 & 吴栯禔)
作词:李崇铭 作曲:李崇铭
我知影 你时常对外口看 看日头追着山 看自由的鸟仔
你会当 慢慢仔行 有一工你嘛会 成为一个自由的人
我知影 你上爱唱歌 我嘛知影 歌声内面有你梦的声
你会当 就唱予我听 我会永远坐伫遮 佮你做伙暝梦 这是爱你的我 上自私的想法
若是讲你想欲飞 敢会当共我写一张批 共我讲你伫佗 我上袂晓耍覕相揣
若是讲你想欲飞
我知影 一人一款命 慢慢仔嘛了解 你的翼仔佮我无仝
你会当 就留伫遮 伫我的翼仔下跤 免惊风吹日曝 这是疼你的我 袂当成真的愿望
想欲陪你一世人 我上疼惜的囡仔 看你一工一工的大 想着你欲离开 我有淡薄仔惊惶
若是讲你想欲飞 敢会当听我讲我的少年 有目屎 有怨戚 请你莫佮我仝款后悔
若是讲你想欲飞
若是讲你感觉生活歹过 你会当转来歇困一下 毋免惊歹势 有我的所在就会是你的家
若是讲你想欲飞 若是讲你想欲飞
你敢会当 原谅我 毋甘放你四界行 将你囥底鸟笼仔 是顸颟的我 想着上好的办法
-------------------------------------------
14103/《若是讲你想欲飞》Nā-sī-kong Lí Siūnn-beh Pue 海岛青年实验室乐团Hái-tó Tshing-liân Si̍t-giām-sik Ga̍k-thuân 李崇铭Lí Tsông-bîng 吴栯禔Ngôo Iú-tê ------------------------------------------ 我知影 guá tsai-iánn 你时常对外口看 lí sî-siông tuì guā-kháu khuànn 看日头追着山 khuànn ji̍t-thâu tui tio̍h suann 看自由的鸟仔 khuànn tsū-iû ê tsiáu-á 你会当 lí ē-tàng 慢慢仔行 bān-bān-á kiânn 有一工你嘛会 ū tsi̍t-kang lí mā ē 成为一个自由的人 sîng-uî tsi̍t-ê tsū-iû ê lâng 我知影 guá tsai-iánn 你上爱唱歌 lí siōng ài tshiùnn-kua 我嘛知影 guá mā tsai-iánn 歌声内面 kua-siann lāi-bīn 有你梦的声 ū lí bāng ê siann 你会当 lí ē-tàng 就唱予我听 tiō tshiùnn hōo guá thiann 我会永远坐伫遮 guá ē íng-uán tsē tī tsia 更多更详尽歌词 在 ※ Mojim.com 魔镜歌词网 佮你做伙眠梦 kah lí tsò-hué bîn-bāng 这是爱你的我 tse sī ài lí ê guá 上自私的想法 siōng tsū-su ê siūnn-huat 若是讲 nā-sī-kóng 你想欲飞 lí siūnn-beh pue 敢会当 kám ē-tàng 共我写一张批 kā guá siá tsi̍t-tiunn phue 共我讲你伫佗 kā guá kóng lí tī tueh 我上袂晓耍覕相揣 guá siōng bē-hiáu sńg bih-sio-tshuē 若是讲 nā-sī-kóng 你想欲飞 lí siūnn-beh pue 我知影 guá tsai-iánn 一人一款命 tsi̍t-lâng tsi̍t-khuán miā 慢慢仔嘛了解 bān-bān-á mā liáu-kái 你的翼仔 lí ê si̍t-á 佮我无仝 kah guá bô-kāng 你会当就留伫遮 lí ē-tàng tiō lâu tī tsia 伫我的翼仔下跤 tī guá ê si̍t-á ē-kha 免惊风吹日曝 bián-kiann hong tshue ji̍t pha̍k 这是疼你的我 tse sī thiànn lí ê guá 袂当成真的愿望 bē-tàng sîng tsin ê guān-bāng 想欲陪你一世人 siūnn-beh puê lí tsi̍t-sì-lâng 我上疼惜的囡仔 guá siōng thiànn-sioh ê gín-á 看你一工一工咧大 khuànn lí tsi̍t-kang-tsi̍t-kang leh tuā 想着你欲离开 siūnn-tio̍h lí beh lī-khui 我有淡薄仔惊惶 guá ū tām-po̍h-á kiann-hiânn 若是讲 nā-sī-kóng 你想欲飞 lí siūnn-beh pue 敢会当 kám ē-tàng 听我讲我的少年 thiann guá kóng guá ê siàu-liân 有目屎 ū ba̍k-sái 有怨戚 ū uàn-tsheh 请你莫佮我仝款后悔 tshiánn lí mài kah guá kāng-khuán hiō-hué 若是讲 nā-sī-kóng 你想欲飞 lí siūnn-beh pue 若是讲 nā-sī-kóng 你感觉生活歹过 lí kám-kak sing-ua̍h pháinn-kuè 你会当 lí ē-tàng 转来歇困一下 tńg-lâi hioh-khùn--tsi̍t-ē 毋免惊歹势 m̄-bián kiann pháinn-sè 有我的所在 ū guá ê sóo-tsāi 就会是你的家 tiō ē sī lí ê ke 若是讲 nā-sī-kóng 你想欲飞 lí siūnn-beh pue 若是讲 nā-sī-kóng 你想欲飞 lí siūnn-beh pue 你敢会当原谅我 lí kám ē-tàng guân-liōng guá 毋甘放你四界行 m̄-kam pàng lí sì-kè kiânn 将你囥伫鸟笼仔 tsiong lí khǹg tī tsiáu-láng-á 是顸颟的我 sī han-bān ê guá 想着上好的办法 siūnn-tio̍h siōng-hó ê pān-huat
-
|