- 专辑介绍
- 歌词
- 专辑列表
蔡昌宪
-
彼当初
作词:廖文强 WenChiang Liao 作曲:廖文强 WenChiang Liao
你啥物时阵会阁转来 我欲煮规桌你爱食的菜 我知影鱼仔你无盖敖处理 嘛无定定有时间卤笋丝
若是你无闲好好食一顿饭 至少来开讲开讲嘛好 若是你连斡来的时间嘛无 免担心阮 我会共家己照顾喔好
彼当初 彼当初 若是我知影你转来的路 会变甲遮尔仔长 我可能会毋甘放手 毋甘予你伫外口走傱
彼当初 彼当初 就算我知影你会愈行愈远 我犹原会放你去飞 徛甲远远 恬恬共你守护
逐工敲电话嘛无必要 无想欲害你工课做袂了 我知影少年时拍拼真无闲 你嘛有需要照顾的家庭
彼当初 彼当初 我阁怎样毋甘放手 嘛爱祝福你健康快乐
彼当初 彼当初 我早就知影你会愈行愈远 嘛一步一步教你飞 我这世人 只希望你幸福
------------------------------------------
16791/《彼当初》Hit-tong-tshoo 蔡昌宪Tshuà Tshiong-hiàn
你啥物时阵 lí siánn-mih sî-tsūn 会阁转来 ē koh tńg--lâi 我欲煮规桌 guá beh tsú kui-toh 你爱食的菜 lí ài tsia̍h ê tshài 我知影鱼仔 guá tsai-iánn hî-á 你无盖𠢕处理 lí bô kài gâu tshú-lí 嘛无定定有时间 mā bô tiānn-tiānn ū sî-kan 卤笋丝 lóo sún-si
若是你无闲 nā-sī lí bô-îng 好好食一顿饭 hó-hó tsia̍h tsi̍t-tǹg pn̄g 至少来开讲 tsì-tsió lâi khai-káng 开讲嘛好 khai-káng mā hó 若是你 nā-sī lí 连斡来的时间嘛无 liân uat--lâi ê sî-kan mā bô 免担心阮 bián tam-sim gún 我会共家己照顾予好 更多更详尽歌词 在 ※ Mojim.com 魔镜歌词网 guá ē kā ka-kī tsiàu-kòo hōo hó
彼当初 hit-tong-tshoo 彼当初 hit-tong-tshoo 若是我知影 nā-sī guá tsai-iánn 你转来的路 lí tńg-lâi ê lōo 会变甲遮尔仔长 ē piàn kah tsiah-nī-á tn̂g 我可能会毋甘放手 guá khó-lîng ē m̄-kam pàng-tshiú 毋甘予你 m̄-kam hōo lí 伫外口走傱 tī guā-kháu tsáu-tsông
彼当初 hit-tong-tshoo 彼当初 hit-tong-tshoo 就算我知影 tiō-sǹg guá tsai-iánn 你会愈行愈远 lí ē jú kiânn jú hn̄g 我犹原会放你去飞 guá iu-guân ē pàng lí khì pue 徛甲远远 khiā kah hn̄g-hn̄g 恬恬共你守护 tiām-tiām kā lí siú-hōo
逐工敲电话 ta̍k-kang khà-tiān-uē 嘛无必要 mā bô pit-iàu 无想欲害你 bô siūnn-beh hāi lí 工课做袂了 khang-khuè tsò buē-liáu 我知影少年时 guá tsai-iánn siàu-liân-sî 拍拼真无闲 phah-piànn tsin bô-îng 你嘛有 lí mā ū 需要照顾的家庭 su-iàu tsiàu-kòo ê ka-tîng ---
彼当初 hit-tong-tshoo 彼当初 hit-tong-tshoo 我阁怎样毋甘放手 guá koh tsuánn-iūnn m̄-kam pàng-tshiú 嘛爱祝福你 mā ài tsiok-hok lí 健康快乐 kiān-khong khuài-lo̍k
彼当初 hit-tong-tshoo 彼当初 hit-tong-tshoo 我早就知影 guá tsá tiō tsai-iánn 你会愈行愈远 lí ē jú kiânn jú hn̄g 嘛一步一步教你飞 mā tsi̍t-pōo-tsi̍t-pōo kà lí pue 我这世人 guá tsit-sì-lâng 只希望你幸福 tsí hi-bāng lí hīng-hok
- 感谢 W.B. Chen 修正歌词
- 友站连结: W.B. Chen
|