- 專輯介紹
- 歌詞
- 專輯列表
- 歌手介紹
黑名單工作室
-
台北帝國
作詞:王明輝 作曲:王明輝
古早古早 阮家住在 今嘛的忠孝東路 食的是 浣沫仔滾蕃薯塊 穿的是 麵粉袋仔做的短褲 出門步步就愛靠走路 三張犁走到火車頭 一蛇路就愛走歸甫 忠孝東路喔 夠卡過去 夠卡過去 夠卡過去夠卡過去 就是蒙仔甫 彼時的生活實在有夠艱苦 十二三歲就去吃頭路 每天就給師傅洗內衫褲 心內感覺實在無前途 心內感覺 覺覺覺覺覺覺覺 覺覺無前途 一步一步一步一步咱的社會在起步 技術隴靠美國仔來贊助 大家持香在厝內拜耶穌 阿凸呀阿凸呀阿里阿多 阿凸呀阿凸呀阿里阿多 愛國獎券一張賣五塊 要車螺就去三重埔 中山北路 隴是一陣 奇奇怪怪的查某 SAY YES MY BOY SAY YES MY BOY 原來是美金比咱台幣卡大塊 原來是美金 金金金金金金金 金金卡大塊 一一步步一步一步 一一步步一步一步 咱的社會在起步 少年仔愛扒坐HONDA 阿伯仔上班坐VESPA 載雞載鴨是YAMAHA 好裕人漸漸在駛TOYOTA 台灣錢淹腳目 日本人賺未完 歸陣招來北投扒酒家 可憐的戀花再會吧 可憐的戀花 花花花花花花花 花花再會吧 忠孝東路 今嘛已經 一坪三四十萬塊 阮家今嘛已經真闊淖 正邊左邊隴總五十戶 四十九間在出租呀 四十九間在出租 為著每個月收厝稅 愛請會計師來幫助 如果政府那肯開放 我買戰車來保護 但是這是IMPOSSIBLE 看破保鏢著請成龍與藍波 看破保鏢著請 請請請請請請請 成龍與藍波 一一步步一步一步 一一步步一步一步 (忠孝東路夠卡過去 是墓仔埔)
------------------------------------------
作詞:王明輝 作曲:王明輝
《臺北帝國》Tâi-pak Tè-kok 林暐哲 Lîm Uí-tiat (烏名單工作室Oo-miâ-tuann Kang-tsok-sik)
古早古早 kóo-tsá kóo-tsá 阮兜蹛佇 gún tau tuà tī 這馬的忠孝東路 tsit-má ê Tiong-hàu-tang-lōo 食的是 tsia̍h--ê sī 泔糜仔𤉙番薯箍 ám-bê-á kûn han-tsî-khoo 穿的是 tshīng--ê sī 麵粉袋仔做的短褲 mī-hún-tē-á tsò ê té-khòo 出門啊步步著愛靠行路 tshut-mn̂g--ah pōo-pōo tio̍h-ài khò kiânn-lōo 三張犁行到火車頭 Sann-tiunn-lê kiânn kah hué-tshia-thâu 一逝路就愛行規晡 tsi̍t-tsuā lōo tio̍h-ài kiânn kui-poo
忠孝東路喔 Tiong-hàu-tang-lōo--ooh 閣較過去 koh-khah kuè-khì 閣較過去 koh-khah kuè-khì 閣較過去 koh-khah kuè-khì 閣較過去 koh-khah kuè-khì 就是墓仔埔 tiō-sī bōng-á-poo
彼陣的生活 hit-tsūn ê sing-ua̍h 實在有夠艱苦 si̍t-tsāi ū-kàu kan-khóo 十二三歲 tsa̍p-jī-sann huè 就去食頭路 tiō khì tsia̍h-thâu-lōo 每天著共師傅 muí-kang tio̍h kā sai-hū 洗內衫褲 sé lāi-sann-khòo 心內感覺 sim-lāi kám-kak 實在無前途 si̍t-tsāi bô tsiân-tôo 心內感覺 sim-lāi kám-kak 覺覺覺覺覺覺覺 kak kak kak kak kak kak kak 覺覺無前途 kak kak bô tsiân-tôo
一步一步一步一步 tsi̍t-pōo tsi̍t-pōo tsi̍t-pōo tsi̍t-pōo 咱的社會咧起步 lán ê siā-huē leh khí-pōo 技術攏靠阿啄仔來贊助 ki-su̍t lóng khò a-tok-á lâi tsàn-tsōo 逐家攑香佇厝內拜耶穌 ta̍k-ke gia̍h-hiunn tī tshù-lāi pài Iâ-soo 阿啄仔阿啄仔阿里牙桌 a-tok-á, a-tok-á, a-lí-gâ-toh 阿啄仔阿啄仔阿里牙桌 更多更詳盡歌詞 在 ※ Mojim.com 魔鏡歌詞網 a-tok-á, a-tok-á, a-lí-gâ-toh 愛國獎券一張賣五箍 ài-kok tsióng-kuàn tsi̍t-tiunn buē gōo-khoo 欲車螺絲就去三重埔 beh tshia lôo-si tiō khì Sann-tîng-poo
中山北路 Tiong-san-pak-lōo 攏是一陣 lóng-sī tsi̍t-tīn 奇奇怪怪的查某 kî-kî-kuài-kuài ê tsa-bóo Say Yes My Boy Say Yes My Boy 原來是美金 guân-lâi sī Bí-kim 比咱臺票較大箍 pí lán Tâi-phiò khah tuā-khoo 原來是美金 guân-lâi sī Bí-kim 金金金金金金金 kim-kim kim-kim kim-kim kim 金金較大箍 kim-kim khah tuā-khoo 一一步步一步一步 tsi̍t-tsi̍t-pōo-pōo tsi̍t-pōo tsi̍t-pōo 一一步步一步一步 tsi̍t-tsi̍t-pōo-pōo tsi̍t-pōo tsi̍t-pōo 咱的社會咧起步 lán ê siā-huē tih khí-pōo
少年仔愛奅就坐Honda siàu-liân-á ài phānn tiō tsē Honda 阿伯仔上班坐Vespa a-peh--á siōng-pan tsē Vespa 載雞載鴨是Yamaha tsài ke tsài ah sī Yamaha 好額人漸漸咧駛Toyota hó-gia̍h-lâng tsiām-tsiām tih sái Toyota
臺灣錢淹跤目 Tâi-uân tsînn im kha-ba̍k 日本人啊趁袂煞 Ji̍t-pún-lâng--ah thàn buē suah 規陣招來去北投奅酒家 kui-tīn tsio lâi-khì Pak-tâu phānn tsiú-ka 可憐的戀花啊再會吧 khó-liân ê luân-hue--ah tsài-huē--pah 可憐的戀花 khó-liân ê luân-hue 花花花花花花花 hue-hue hue-hue hue-hue hue 花花再會吧 hue-hue tsài-huē--pah
忠孝東路 Tiong-hàu-tang-lōo 這馬已經 tsit-má í-king 一坪三四十萬箍 tsi̍t-phîng sann-sì-tsa̍p bān khoo 阮兜這馬已經真闊綽 gún tau tsit-má í-king tsin khoh-tsō 正爿倒反攏總五十戶 tsiànn-pîng tò-píng lóng-tsóng gōo-tsa̍p hōo 四十九間咧出租啊 sì-tsa̍p-káu king teh tshut-tsoo--ah 四十九間咧出租 sì-tsa̍p-káu king teh tshut-tsoo
為著每個月收厝稅 uī-tio̍h muí kò-gue̍h siu tshù-suè 愛請會計師來幫助 ài tshiánn huē-kè-su lâi pang-tsōo 如果政府若肯開放 jû-kó tsìng-hú nā khíng khai-hòng 我買戰車來保護 guá bué tsiàn-tshia lâi pó-hōo 但是這是Impossible tān-sī tse sī Impossible 看破保鏢著倩 khuànn-phuà, pó-pio to̍h tshiànn 成龍佮藍波 Chénglóng kah Lánbō 看破保鏢著倩 khuànn-phuà, pó-pio to̍h tshiànn 倩倩倩倩倩倩倩 tshiànn tshiànn tshiànn tshiànn tshiànn tshiànn tshiànn 成龍佮藍波 Chénglóng kah Lánbō
一一步步一步一步 tsi̍t-tsi̍t-pōo-pōo tsi̍t-pōo tsi̍t-pōo 一一步步一步一步 tsi̍t-tsi̍t-pōo-pōo tsi̍t-pōo tsi̍t-pōo 一一步步一步一步 tsi̍t-tsi̍t-pōo-pōo tsi̍t-pōo tsi̍t-pōo 一一步步一步一步 tsi̍t-tsi̍t-pōo-pōo tsi̍t-pōo tsi̍t-pōo
忠孝東路閣較過去 Tiong-hàu-tang-lōo koh-khah kuè-khì 是墓仔埔 sī bōng-á-poo
忠孝東路閣較過去 Tiong-hàu-tang-lōo koh-khah kuè-khì 是墓仔埔 sī bōng-á-poo
- 感謝 W.B. Chen 修正歌詞
- 友站連結: W.B. Chen
所有評論 ( 1 )
|