- 歌词
- 专辑列表
- 歌手介绍
郭大诚
-
床头打床尾和
原唱:郭大诚/王丽华 作词:郭大诚 作曲:郭大诚
五虎唱片出品
男:这平看见是彼平房噢 看见牵手的梳头发吓 胭脂水粉是抺较重噢 不知是欲去寻识人吓 女唱:一世人也无外久 不食不穿吗等何时 嚛界秀 嚛界秀 嚛界秀 会晓赚 若不晓用 那嗳唷 盐甲球 涩甲检 吗无较纸 男:从我出世在世间 不曾看着你这款人 嚛界秀 嚛界秀 嚛界秀 赚一块要用二钱那唷噢 给我来赚卡多吗无较纸 女:抺晓让也不晓让 我给你到底用外多 无想早前彼当时那噢唷 私房钱呼你提去做生理 男:啊 去啊 去啊 昨日你家甲我撞破碗皿 昨方甲我撞破锅 今仔日甲我撞破镜 按呢我怕赚要那会好额 女:是怎样 破不才有新的 男:啊 破才有新的 你明明要呼我发脾气的噢 男:发脾气也发脾气 你呼我去气甲半小死呀 嚛界秀 嚛界秀 嚛界秀 无应我也不生气 那噢唷 你加讲话我就甲你掴嘴边 女:啊 你讲要甲我掴嘴边呀 你是块甲天公借胆是不 无想我七早八早著甲你煮甲你洗 加用你一块钱钱存是不用哩是不 男:吓 讲少年不知想 吃老著不像样 亲像你一款古井水蛙 不知影金钱的宝贵 赚钱的艰苦 衫一司一司一宜甲我做 什么上空装 什么迷你装 什么旧年流彼落大红花 今年是彼落圆仔花 啊 唷 会吐噢 女:喔 男:看久强西䂭病 女 : 吓 男:我想讲你今年已经四十八 也敢想要艳鸡趁凤飞 女:静去 你是爱我得你挖古董是不 当初你爱我的时存 讲你家是治块开米辗 田园几百甲 无我抺跌拍 我都不 你强强要 站我面头前 讲我无论穿什么衫 都可比仙女下凡 讲我是你的天星 太阳 讲我是你的心脏 那 无我你会无生命 我看你可怜孤不章才嫁你呢 今日你搁甲我嫌甲无一块 嗳唷 你是个凸肚短命 你是无才朝 娶我要做什么 男:欸 欸 欸 你愈讲搁愈好款 到这来拄著呀 好呀 五百赏你啊 女: 嗳唷啊 你敢打我 你祖妈就甲你拼 男: 哦 你那么残忍呀 指甲那么长 这样甲我扒下去 啊好呀 乎你去呀 女: 啊唷 你敢拿枕头给我丢 好 我就用这台甲你丢去 男:吔吔吔 挡吓挡吓 彼台是电视机呢 女:喷射机嘛是工款 电视机 你都不怕我死了 我那怕你没命 男:欸叹 甭当啦 彼台六七千块列呐 用讲吔啦 女:吓 甭讲 甭免讲啦 免讲啦 男: 免讲 免讲就 甭讲 免讲 不要理你了 女:吔 烧等吓 也没你是要去对位 男:你也管我要去对位 要来去灶脚呷鸡腿啦 女:喂 等列啦 那只鸡腿是我的份呐 男:哦 彼只鸡腿是你的份哦 啊 我的份咧 女:中午己经呷了去啊啦 男:呷了 啊我怎么没呷 女:嘻嘻 我代替你呷 不是工样 男: 哦哦 你代替我呷工样 啊呐好 啊呐好 真好 真好 女:卖丑吗 嘻嘻嘻 男: 嘻嘻嘻哈哈
人讲家和万事成 吵家六届万世行 嚛界秀 嚛界秀 嚛界秀 床头打搁床尾和 哪唉唷 相久偿 才会来作夫妻唷
------------------------------------------
17359/《床头拍阁床尾和》Tshn̂g-thâu Phah Koh Tshn̂g-bué Hô 郭大诚Kueh Tāi-sîng 王丽华Ông Lē-huâ
↓↓♪♫♪♩♬♪♩♬♪♩♫↓↓ 男) 这爿看见 tsit pîng khuànn-kìnn 是彼爿房喔 sī hit pîng pâng--ooh 看见牵手的 khuànn-kìnn khan-tshiú--ê 咧梳头鬃欸 teh se thâu-tsang--eh 胭脂水粉 ian-tsi tsuí-hún 是抹遐重喔 sī buah hiah tāng--ooh 毋知是欲去 m̄-tsai sī beh khì 揣啥人欸 tshē siánn-lâng--eh
女) 一世人 tsi̍t-sì-lâng 也无偌久 iā bô guā-kú 毋食毋穿嘛 m̄ tsia̍h m̄ tshīng--mah 等何时啊 tán hô-sî--ah Lok-kai-siooh! Lok-kai-siooh! Lok-kai-siooh! 会晓趁啊袂晓用 ē-hiáu thàn--ah buē-hiáu īng 哪嗳唷 nah-aih-iooh 咸佮虬涩佮俭 kiâm kah khiû siap kah khiām 嘛无较縒 mā bô-khah-tsua̍h
男) 从我出世在世间 tsîng guá tshut-sì tsāi sè-kan 毋捌看着你这款人 m̄-bat khuànn-tio̍h lí tsit khuán lâng Lok-kai-siooh! Lok-kai-siooh! Lok-kai-siooh! 趁一仙欲用两仙 thàn tsi̍t-sián beh īng nn̄g-sián 哪嗳唷 nah-aih-iooh 予我来趁较济 hōo guá lâi thàn khah tsuē 嘛无较縒 mā bô-khah-tsua̍h
女) 袂晓说啊袂晓说 buē-hiáu sueh--ah buē-hiáu sueh 我共你到底用偌济啊 guá kā lí tàu-té īng guā-tsē--ah Lok-kai-siooh! Lok-kai-siooh! Lok-kai-siooh! 无想早前彼当时 bô siūnn tsá-tsiân hit-tang-sî 哪嗳唷 nah-aih-iooh 私奇钱 sai-khia-tsînn 予你提去做生理 hōo lí the̍h khì tsuè-sing-lí ↑↑♪♫♪♩♬♪♩♬♪♩♫↑↑
↓↓(口白)---(口白)---(口白)↓↓ 男) 啊!啊!去矣!去矣! ah! ah! khì--ah! khì--ah! 啊昨日你共我挵破碗盘 ah tso̍h--ji̍t lí kā guá lòng-phuà uánn-puânn 昨昏你共我挵破鼎 tso-hng lí kā guá lòng-phuà tiánn 今仔日共我挵破镜 kin-á-ji̍t kā guá lòng-phuà kiànn 按呢我仙趁 án-ne guá sian thàn 欲哪会好额 beh ná ē hó-gia̍h
女) 是怎样 sī tsuánn-iūnn 破毋才有新的 phuà m̄-tsah ū sin--ê 男) 唅!破才有新的 hannh! phuà tsiah ū sin--ê 啊你明明欲予我发脾气的喔 ah lí bîng-bîng beh hōo guá huat phî-khì--ê ooh ↑↑(口白)---(口白)---(口白)↑↑
↓↓♪♫♪♩♬♪♩♬♪♩♫↓↓ 男) 发脾气啊发脾气 huat phî-khì--ah huat phî-khì 你予我气甲半小死啊咧 lí hōo guá khì kah puànn-sió-sí--ah-leh Lok-kai-siooh! Lok-kai-siooh! Lok-kai-siooh! 莫应我 mài ìn guá 也袂受气 iā buē siūnn-khì 哪嗳唷 nah-aih-iooh 你加讲话 lí ke-kóng-uē 我就共你揌喙边 guá tsiū kā lí sai-tshuì-pinn ↑↑♪♫♪♩♬♪♩♬♪♩♫↑↑
↓↓(口白)---(口白)---(口白)↓↓ 女) 唅!你讲欲 hannh! lí kóng beh 共我揌喙边啊 kā guá sai-tshuì-pinn--ah 你是咧共天公借胆 lí sī tih kā thinn-kong tsioh tánn 是毋 sī--m̄ 无想我七早八早 bô siūnn guá tshit-tsá-pueh-tsá 就共你煮就共你洗 tō kā lí tsú tō kā lí sé 加用你两仙钱仔 ke īng lí nn̄g-sián-tsînn-á 是袂用得 sī buē-īng--tit 是毋 更多更详尽歌词 在 ※ Mojim.com 魔镜歌词网 sī--m̄
男) 唅~人讲少年毋捌想 hannh~ lâng kóng siàu-liân m̄-bat siūnn 食老就毋成样 tsia̍h-lāu tō m̄-tsiânn-iūnn 亲像你这款鼓井水鸡 tshin-tshiūnn lí tsit khuán kóo-tsínn tsuí-ke 毋知影金钱的宝贵 m̄ tsai-iánn kim-tsînn ê pó-kuì 趁钱的艰苦 thàn-tsînn ê kan-khóo 衫一躯一躯 sann tsi̍t-su tsi̍t-su 一直共我做 it-ti̍t kā guá tsuè 啥物上空装囉 siánn-mih shàngkōngzhōng--looh 啥物号做迷你装啦 siánn-mih hō-tsò mínǐzhuāng--lah 啥物旧年是流行彼号大红花 siánn-mih kū-nî sī liû-hîng hit-lō tuā-âng-hue 今年是彼号圆仔花 kin-nî sī hit-lō înn-á-hue 啊唷 ah-iooh 会吐喔 ē thòo--ooh
女) 唅! hannh! 男) 看久强欲破病 khuànn kú kiōng-beh phuà-pīnn 女) 欸! ennh! 男) 曷无想你 a̍h-bô siūnn lí 今年已经卌八 kin-nî í-king siap-pueh 也敢想欲阉鸡趁凤飞 iā kánn siūnn-beh iam-ke thàn hōng pe
女) 恬去 tiām--khì 你是爱我共你搤古董 lí sī ài guá kā lí iah-kóo-tóng 是毋 sī--m̄ 当初你爱我的时阵 tong-tshoo lí ài guá ê sî-tsūn 讲恁兜是伫咧开米绞 kóng lín tau sī tī-eh khui bí-ká 田园规百甲 tshân-hn̂g kui-pah kah 无我袂铄拍 bô guá buē siak-phah
我都毋 guá to m̄ 你强强欲 lí kiōng-kiōng bueh 踮咧我的面头前 tiàm eh guá ê bīn-thâu-tsîng 讲我无论穿啥物衫 kóng guá bô-lūn tshīng sń-mih sann 都可比亲像仙女下凡 to khó-pí tshin-tshiūnn sian-lí hā-huān 讲我是你的天星太阳 kóng guá sī lí ê thinn-tshinn thài-iông 讲我是你的心脏 kóng guá sī lí ê sim-tsōng 若无我 nā bô guá 你会无性命 lí ē bô sìnn-miā 我看你可怜 guá khuànn lí khó-lîn 孤不将 koo-put-tsiong 才嫁你呢 tsiah kè lí--neh
今仔日你阁共我 kin-á-ji̍t lí koh kā guá 嫌甲无一块 hiâm kah bô tsi̍t-tè 嗳唷! aih-iooh! 你这膨肚短命 lí tse phòng-tōo-té-miā 你是无才调 lí sī bô tsâi-tiāu 娶我欲创啥物 tshuā guá beh tshòng siánn-mih
男) 嗳!嗳!嗳!嗳! aih! aih! aih! aih! 你愈讲煞愈好款 lí jú kóng suah jú hó-khuán 啊到遮来 ah kàu tsia lâi 拄著矣 tú-tio̍h--ah 好啊 hó--ah 五百赏你啊 gōo-pah siúnn lí--ah
女) 嗳唷啊 aih-iooh-ah 你敢拍我 lí kánn phah guá 恁祖妈就佮你拼 lín tsóo-má tō kah lí piànn 欸咿! eh-ih!
男) 啊咿!喔!你遐残忍啊 ah-ih! ooh! lí hiah tsân-jím--ah 彼指甲遐尔长 he tsíng-kah hiah-nī tn̂g 按呢共我耙落去 án-ne kā guá pê--lo̍h-khì 啊!好啊 ah! hó--ah 予你去啊 hōo lí khì--ah
女) 啊唷!你敢提枕头共我掔 ah-iooh! lí kánn the̍h tsím-thâu kā guá khian 好!我就用这台共你掔去 hó! guá tō īng tsit tâi kā lí khian--khì 男) 欸~挡咧挡咧 eh~ tòng--eh tòng--eh 彼台是电视机呢 hit tâi sī tiān-sī ki--neh 女) 喷射机嘛是仝款 phùn-siā-ki mā sī kāng-khuán 电视机 tiān-sī-ki 你都毋惊我死矣 lí to m̄-kiann guá sí--ah 我哪惊你无命 guá ná kiann lí bô miā
男) 嗳唷!毋通啦 aih-iooh! m̄-thang--lah 欸~彼一台六七千箍咧呢 eh~ he tsi̍t tâi la̍k-tshit tshing khoo--leh-neh 用讲的啦 iōng kóng--ê lah 女) 哈!免讲 hah! bián kóng 毋免讲啦 m̄-bián kóng--lah 毋免讲啦 m̄-bián kóng--lah 男) 免讲 bián-kóng 免讲就汰讲 bián-kóng tō thài kóng 阁免讲 koh bián-kóng 无爱插你矣 bô-ài tshap lí--ah
女) 欸~小等咧 eh~ sió-tán--leh 曷无 ia̍h-bô 你是欲去佗位 lí sī beh khì tó-uī 男) 你曷管我欲去佗位 lí a̍h kuán guá beh khì tó-uī 欲来去灶跤食鸡腿啦 beh lâi-khì tsàu-kha tsia̍h ke-thuí--lah 女) 欸!等咧啦 eh! tán--leh-lah 彼肢鸡腿是我的份呢 hit ki ke-thuí sī guá ê hūn--neh 男) 唅!彼肢鸡腿是你的份喔 hannh! hit ki ke-thuí sī lí ê hūn--ooh 啊我的份咧 ah guá ê hūn--leh 女) 下昼已经食了去矣啦 e-tàu í-king tsia̍h-liáu khì--ah-lah
男) 食了 tsia̍h-liáu 啊!啊我哪会无食 ah! ah guá ná ē bô tsia̍h 女) 嘿嘿!啊我代替你食 hennh-hennh! ah guá tāi-thè lí tsia̍h 毋是仝款 m̄-sī kāng-khuán 男) 喔喔!你代替我食 ooh-ooh! lí tāi-thè guá tsia̍h 仝款 kāng-khuánn 啊按呢好 ah án-ne hó 按呢好 án-ne hó 真好真好 tsin hó tsin hó 女) 袂䆀嘛 buē-bái--mah 嘿嘿嘿 hennh hennh hennh 男) 嘿嘿嘿嘿 hennh hennh hennh hennh ↑↑(口白)---(口白)---(口白)↑↑
↓↓♪♫♪♩♬♪♩♬♪♩♫↓↓ 人讲家和万事成 lâng kóng ka hô bān-sū sîng 吵家抐宅嘛万世穷啊 tshá-ke-lā-the̍h--mah bān-sì kîng--ah Lok-kai-siooh! Lok-kai-siooh! Lok-kai-siooh! 床头拍阁床尾和 tshn̂g-thâu phah koh tshn̂g-bué hô 哪嗳唷 nah-aih-iooh 相欠债 sio khiàm-tsè 才会来做夫妻唷 tsiah-ē lâi tsuè hu-tshe--iooh ↑↑♪♫♪♩♬♪♩♬♪♩♫↑↑
- 感谢 W.B. Chen 修正歌词
- 友站连结: W.B. Chen
|